Witlik sẏ dat dat kerspel to der hogenkerken schuldich is mester Jacob repeste / vnde her hinrike van Baltzee des Rades scriuer to der wism(er) . vnde denienen / den se edder en dat bewisen to betalende anderhalff hundert m(a)rk lub(esch) . / alze de to der wism(er) ghenge vnde geue sin de penninge to beredende vnde to / betalende bẏnnen der wism(er) sunder ienegerleie bewernisse wanne se edd(er) / erer en deme kerspele edder den swørenen der kerken to der hogenkerken / en half iar witlik don edder to voren zeggen hir vore hebben en gelouet / mid ener zameden hant de beschedenen manne peter hogenkerke Johan / Rotgher Hinric pors vnde Clawes Tuckezwerd se vnde ere eruen Item / so hebben se van schaden gelouet to holdende van desseme løuede hin der / koste vnde van alleme schaden . desses louedes de hir na screuen stan / Tonnies van plesse Jacob hoykendorp hinric Cliber Godeke westphal / Johan pors Detleff horne Cord Steen Detbern Johan . möller // Clawes prutze Hinric Holenbeke Hinric kelink Clawes peek [...] / helme des Jo(han) meyer Hans Cliver laure(n)tius hinr(ic) las hinric ¹ [...] / se vndeere eruen vor dit vorben(omede) løuede scholen se vnde ere eruen vnde / ere gud nenes leydes edder velecheit binnen der wismer neten edder / bruͦken Dit is geschen in deme iare godes dusent drehunder in dem / vif vnde Negentestegen iare des dunnerdages vor sunte Michaeles / dage hir ouer hebben gewesen de beschedenen manne Gherd Sprin-/genberg herman buttowe vnde dideric cruse to tuge dess(er)dink [...]