Prygghenytze . vn(de) Werner lyppe , vn(de) bolte vn(de) porrenhaghen / van der osten . Godeke mychel vnd(e) clawes mẏchel , henneke / smyd . swarte mathies . henneke brunne , dyderyk van dem cluͦeze/ vuruͮestet v(m)me enen rof . dar v(m)me dat ze buckhorne beroueden in / velyghen vrede /

koke . vn(de) prenes zone van deme hermenshaghene vn(de) jesse henneke / knecht . de zẏnt vuruestet . dar v(m)me dat ze Curd louwen snydere / wrochten dre bluͦt vn(de) blaw vpper vrẏen straten in deme lant vrede / der jeghenwardicheyt . her hinrik tzẏckowen vn(de) her dyderyk wylden /

Jesse vn(de) osse , des junghen her(en)berndes knechte van plessen de zÿnt / vuruestet dar v(m)me dat ze harteghes wẏf van der borch an wrochte / ene vulkomene wunden . vn(de) johan kokes wẏue .twe bluͦt vn(de) blaw / vn(de) v(m)me enen rof den ze deden an den vorscreuenen vruwen vp / der stad vrẏheẏt vn(de) zẏnt mẏt alme lubesschen rechte vurwu(n)nen / jn der jeghenwardecheit myner heren vorben(omet) /

[Tzyecke der bademenneschen dochter pinrauit ... suo]

[Clawes van deme Zunde pinravit ... fecit]

Hasselman de is vuruͮestet v(m)me der deuͮerẏe wyllen de he dede an hinrik / roleken /

Tydeke ruͮsche vn(de) zẏn bruder vn(de) hans van der metele vn(de) albert / van der lotze de zynt vuruestet v(m)me mord den ze beghynghen / in der stad an qualemanne dar ze zykv(m)me hebbet ghe gheuen an / ene vorevlucht vn(de) zẏnt vurwu(n)nen mẏt alme lub(eschen) rechte / jn der jeghenwardicheit mẏner heren . her hinrik tzyckouwen / vn(de) her dẏderẏk wylden /