Hinrik is vurvestet dar v(m)me dat he den mord dede an mathe(s) schulenbroke /

vycke tessyn de is vurvestet dar v(m)me dat he rouede hinr(ik) / beltere den schipheren zynes ghudes dat he reddede do he / schipbrøkech ward /

rodehvt de is vurvestet dar v(m)me dat he de koͤ stal to / warẏn /

Hans bruggher vn(de) zyn wyf heyleke zynt vur/vestet dar v(m)me dat se janeken wyue stelen ere ghut /

kykebysch vn(de) zyne kumpane zynt vurvestet v(m)me / twe vulkomene wunden vn(de) ver bluͦt vn(de) blaw / de ze wrachten by nachtslapender tẏt [...] //

Pawel is vurvestet v(m)me twe morde de he dede an / kanynen berghe dar heft he zyk v(m)me gheuen an [...] / mẏt alme lub(eschen) rechte vurwu(n)nen an der jeghenwardicheit / her hinr(ik) tzyckouwen vn(de) her joh(an) bantzekow /

[Mette sterneberg vn(de) ere maghet pinrauuit ... dictis]

Hermen kerkdorp . vnd(e) plathe . vnd(e) wulues kroech de zynt ver vestet / v(m)me den mord den ze deden an odbrechte van der gholdynen v(m)me / eghene ghut in eneme ghuden vrede . alse ze mẏt alleme lub(eschen) rechte / zynt ver wu(n)nen in der jeghenwardicheit her hinr(ic) tzyckouwen vn(de) / her johan bantzekowen /

hinr(ic) scroder to greben is vervestet v(m)me den rof den he dede an arnd / ha(n)novere do he zyn ghut scholde voren to parcham . des he mẏt alleme / lub(eschen) rechte vorwu(n)nen is jn der jeghenwardicheit mẏn(er) heren vorben(omet) ¹ /

Mẏchel wẏlde is vervestet v(m)me ene vulkomene wunde de he heft / ghe wracht an johan schipma(n)ne dar he zẏk v(m)me heft ghe gheuen / in ene vore vlucht vn(de) mẏt alleme lub(eschen) rechte is ver wu(n)nen /

Rust vn(de) tschotteler de zynt ver vestet v(m)me twe vulkomene wunden de ze wrachten an hans lubouwen by nachtslapender tijt / mẏt alleme lub(eschen) rechte ver wu(n)nen jn der jeghenwardicheit / her hinr(ik) tzẏckowen vn(de) her johan bantzekouwen /