An den Jaren na godes bord dusent drehundert vnde / an dem negen vnde negentigeste(n) iare up den vridach / negest na des hilgen lichames dage . do vunden myne / heren de Borgermeste(re) vnde de radma(n)ne vnde voruore(n) / yn der warheyt me(n)gerhande stucke dar de menheyt der / borge(re) plegende to bruwende . vorderffliken scaden ane / nemen . / To dem ersten . dat sik twe effte dre to same(n)de / werpen . vnde huren een hus to bruwende . Jtem so bor=/gen de suluen de last gersten edder moltes io twier / edder dryer m(a)r(k) durer den me see v(m)me rede pe(n)ni(n)ghe / kopen mach dar de kornekoep den mene(n) borge(re)n de allene(n) hus uphalden sere mede vorduret werd . Vortm(er) hebb(e)n / de suluen wedderlegghent vnde selschop uppe wyn vn(de) / vorlust beyde buten der stat vnde ok by(n)nen der stat / van bruweren vnde ok de nicht plegen to bruwe(n)de / Woru(m)me de Rad vor en willekore endrachtliken heft / gesettet dat nema(n)t . sulff ander edder sulff dorde / edder meer scal huse up holden de sik to samende / werpen effte worpen hebb(e)n to bruwende . Sunder . / we bruwen wil de scal allenen een hus huren / edder up holden . bi x m(a)rk suluers . Weret ouer / dat welk van den borgere(n) de sulue(n) een hus hadde / nicht en wolde edder vormochte allenen to bruwe(n) / de de mach wol ene(n) bedderuenman to sik yn neme(n) / dede bruwe vnde mach ok vnder scuaden wol bru/wen sulue(n) en beer wanner he dat enden kan / sunder broke doch scalme(n)yn dem sulue(n) hus men / enes bruwen i(n) der weken alse dat bette here // to een seede geweset is vortm(er) scal nema(n)t bruwe(n)t / an slaen he en hebbe synes erliken gudes CC / m(a)r(k) lub(esch) sunder selschop vnde wedderlecghent / iemandes by x m(a)rken sul(uers) . vnde dat schal de sul/ue dat erste dar na dat he syn schot bringhet / waren vor den kemerere(n) myt synen eeden weret / ouer dat iema(n)t bevunden worde de bruwent an / sloge vnde CC m(a)rk nichte(n)hedde . alse vorscr(euen) steyt / de scal dat dem Rade beteren mit x m(a)rken sul=/uers vnde also dicke vnde vakene he gebrawe(t) / hefft mit dren m(a)rken suluers nicht to latende / ¹