In den iare(n) na godes bord mccc vn(de) xcix . up den / vrigdach negest des hilgen lichames dage . do vunde(n) / myne here(n) de Borg(er)meste(re) vnde Radman(ne) vnde voruore(n) / yn der Warheit mengerhande stucke dar de menheit der / borg(er)e plegende to bruwende vorderffliken schade(n) ane / nemen . To dem erste(n) dat sik twe edder dre to same(n)de / werpen vn(de) hure(n) een hus to bruwende Vortm(er) so borge(n) / de sulue(n) de last gerste(n) edder moltes . yo twier edder dryer / mark durer wen me(n) se v(m)me rede pe(n)nige kope(n) mach / dar de kornekop den mene(n) borge(re)n de allene(n) huze up / holden . sere mede vordūret werd . Vortm(er) so hebbe(n) de / sulue(n) zelschop vnde wedderlecgent up wyn vnde up vor=/lust beide bute(n) der stat vnde ok bynne(n) der stat van / bruwere(n) . vnde ok de nicht plege(n) to bruwende . Woru(m)me / de rait vor en wilkore endrachtige(n) hefft gesettet dat / nema(n)t sulffander edder sulff dorde edder meer scal huze / up holden de sik to same(n)de werpe(n) edder worpe(n) hebbe(n) / to bruwende . sunder we bruwe(n) wil de scal allene(n) en / hus hure(n) edder up holden bi x m(a)rken suluers . Weret / ouer dat welk van den borgere(n) de sulue(n) en hus hadde / nicht en wolde edder vormochte to Bruwende . de mach / wol ene(n) bedderue(n) man to sik yn nemen . dede bruwe / Vortm(er) scal nema(n)t van den borgere(n) dede plicht to bru / edder de bruwe(n) wil syn hus vorlene(n) edder vorhüren / enem andere(n) mẏt sik yn synem huze to bruwende . / Wer(et) dat dat ioma(n)t dede . de scal bynne(n) enem gantze(n) // Jare . nicht bruwe(n) Wer(et) dat dar we entiegen dede / also dicke ha dat deyt scal he dat betere(n) myt iij / marke(n) suluers Vnde de gene dem he dat hus also / gelenet edder vorhüret hefft scal dat betere(n) myt / x m(a)rken suluers Ok scal en iewelk yn synem / huͦs men enes bruwen yn der weken alse dat / van oldinges een sede is gewezet ¹ / Vortmer so scal nemet bruwent an(er)slan he en / hebbe synes echliken gudes CC mark lub(esch) sunder / selschop vnde wedderlecge(n)t iemandes bi x marke(n) / suluers , dat scal en iewelk de bruwent an sleyt / dat erste dat he syn schot bring(et) .vor den korne/rere(n) ware(n) mit syne(n) eeden Wer(et) ouer dat [...] / bruwent anslege . vnde C C m(a)rk nichte(n) hedde alse / vorscr(euen) is de scal dat betere(n) myt x m(a)rken suluers / Vnde also vaken he bruwen hefft . also vaken scal / he dat betere(n) myt iij m(a)rken suluers