[Anno domyny M CCCC]

Heyneke garbrader heft vor zworen de stad bẏ sẏme leuende / v(m)me dat he serouere houede vnde husede vn(de) vor kofte em / af vnde to dat gud se roueden inder se inder jeghenwardicheyt / h(er) nicolaus burowen vn(de) h(er) hinrekes van klene /

Clawes zmeder vn(de) hinrek vn(de) peter de synt budel snydere //

Tydeke en becker knecht is vor vested v(m)me dat he [...] / vromen heft anghewracht in blud vn(de) blaw vn(de) [...] / wort dar he sik v(m)me heft ghe gheue(n) in ene vore vlucht [...] / vor wu(n)nen mẏt alme lubeschen rechte in der Jeghenwardicheit / h(er) nicolaus bucowen vn(de) h(er) hinrekes van kleue /

Herme(n) hate vn(de) peter bucowe vn(de) jacop jerden de synt vor / vested v(m)me dat se hans luderstorpe twe knoken [...] / knechte hebben angewracht ene vullekome(n) wu(n)de vn(de) blud / vn(de) blaw vn(de) v(m)me vele quader word dar se sik hebben [...] / gheuen in ene vore vlucht vn(de) synt mẏt alme recht vor wunnen /

Olef visch vn(de) mersten vos de hebben vor zwore(n) de stad by eren / leue(n)de v(m)me dat se sik hebben steken vnder tuschen malk [ene]/ vulkomene wu(n)den /

Hans van der heyde heft vor vested iuryes honowen v(m)me ene / vulkomene wunden vn(de) in benbrokevn(de) v(m)me de bare synes leue(n)des / vn(de) vele quader wort dar he sik v(m)me heft ghe gheue(n) in ene vore / vlucht vn(de) is vor wu(n)nen myt alme lubeschen rechte [sub ...] /

Hans rutynk is ¹ heft vor zworen de stad bẏ syme leuende vn(de) wart / ghe slaghen to deme kake v(m)me dat he stal to zweryn iij ingheseghele / vn(de) en par lakene vn(de) en par hantseken vn(de) i krutze /

Clawes rosenhaghen heft vor vested hinrik drewesev(m)me dat he em / stal en perd vt syme eghene(n) stalle vn(de) is vor wu(n)nen myt alme rechte /

Hinrik wylde vor zwert de stad vp gnade der heren v(m)me dat / he heft en quad ruchte vn(de) licht bẏ eneme anderen wyue wenne / we(n)ne bÿ syme echten wyue /

Katheryne schraders heft vor zworen de stad v(m)me duͦuerye / de se dede in deme stouene inder breden straten