Jn den iaren na godes bord dusent vnde veerhundert / an dem auende symonis et Jude . sint gekome(n) / vor den raad de molre menliken sik beclaghende . wo / achteswelke lude sin wanner se bruwe(n) wille(n) so sende(n) / se yn de molen etlike xiij dromet etlike xij dromet / moltes des doch de meste menheit nichte deit vnde / dat mote(n) se malen v(m)me iiij schilling(e) also wol alse ene(n) / andere(n) de vele my(n) sacket . vnde dat dunket dem rade / nicht lijk wesen . ook so is dat wol voruare(n) van de(n) / knechte(n) de bi huslank plegen to bruwende . dat etli=/ke lude late(n) molt male(n) besunderge(n) . vnde wanner se / bruwen will(e)n . so doen se van deme molte to deme / dat se hebb(e)n nye malen late(n) . twe secke dre . also / vele se wille(n) . vnde dat en kan me denne nicht wol / handelen yn den vaten . vnde willen denne dar na vele beers bruwen . vnde dar mede werd dat beer / vele erger wen dat wandaghes plach to wesende dar / vele setgendes aff is yn andere(n) steden Hiru(m)me heft / de raad olt vnde nye gewillekor(et) strengeliken to // holdende van enem iewelken . he sy bor/germest(er) radma(n) . Borger edder Borgersche / he sẏ we he sẏ . dat nema(n)t scal molt yn de molen sen=/den to malende to enem bere meer wen xi dromet / wil he dar my(n) yn senden dat sta to em . men meer scal / he dar nicht senden to enem bere to bruwende . vnde / dat scholen de molre ware(n) bi erer woni(n)ge vnde bi ere(n) / eeden . wanner men dat van en esschet . vnde wer(et) dat / den molren yn iemandes molte mysdūchte . dat moge(n) / se sunder vare ene(n) sak twe edder dre vtstorte(n) laten / Vnde weret dat des moltes denne mer(er) we(re) wen xj dro=/met . so scal dat molt vorbroken wesen yn de stat vn(de) / de dat utgesand hefft . de scal dat betere(n) der stad myt / x m(a)rken suluers . vnde dat scal de molre bringhen / vor den rad vnde nicht vorzwigen bi siner woni(n)ghe / Ok so scal nema(n)t mer moltes bruwen to enem bere / vnde to ener tijt wen xj dromet alse vorscr(euen) is bi / x m(a)rken suluers . dess(er) vorscr(euene) sette vnde bode wil de / de Raad yn aller mate . vnde bi alsodanem broke alse / vorscr(euen) is geholden hebbe(n) . vnde dar to alle olde sette / vnde bode van dem bruwende alse dat ere kundig(et) / is . vnde nema(n)t scal na dessem dage mer yn de mo=/len senden wen xj dromet ok en scalme nenem / bruwe(re) mer geuen wen xiiij pe(n)ni(n)ghe . /