Tideke Cruͦdelif heft laten vor vesten hans bloyedorne / dar v(m)me dat / he zineme zone dre lemede anghe wracht hadde / vn(de) gaf zik an de vor vluͦcht vn(de) is vor wu(n)nen mit / alleme lubesschen rechte /

Hartman van kasle is vor vested dar vm(m)e dat hee by / nacht slapender tiit mordede hans buͤxtehuden vn(de) gaf / zik an de vere vluͦcht vn(de) is vorwu(n)nen mit alleme lub(eschen) / rechte /

Tideke umkink heft orueyde daen daer v(m)me dar he eneme / doden ma(n)ne twe güldene stal nicht mer dar vp thozakende /

Hille hannemans vor sweret de Stad by ereme leuende / daer v(m)me dat ze kurt toden stolen hadde twe rocke / enen hoyken twe zuͤluerne lepele ene ka(n)nen vn(de) zuluerne knepe /

Gosschalk westfal heft laten vor vesten mistervelde enen schuͦ/knecht daer v(m)me dat he eͤm ene wölkomene wanden stak /

Vicko en schuͦ knecht is vorvested v(m)me dat he eneme anderen / schuͦmaker knechte en wrachte twe beenbroke vn(de) een lemede / vn(de) dre bluͤet vn(de) blauͤ by nacht slapender tiit /

hans hamborgh heft laten vorvesten hinr(i)k vn(de) thomuͤs twe / bruͦdere ghe heten/ hoppene van godebuͤsse dar v(m)me dat ze / em na schoten vn(de) vele quader wo ¹ wort sproken tho scitede / vp den velde /

Tilzeke kalkweghersche heft laten vor vesten heylewich / valkenhaghe(n)s dar v(m)me dat ze er stolen heft xxxij mark / vn(de) enen buͤgh va(n) ener nobelen vn(de) gaf er an de vorvlucht / vn(de) is vorwu(n)nen mit alleme lubesschen rechte /

Clawes Iuͤscowe be swered orueyde dar v(m)me dat heͤ in der / hechte zat daer nu(m)mer mere up thu zakende /

Wylken Iuͦbekerman be swered orueyde dar v(m)me dat heͤ mit / mit vosse in der hechte zat nicht mer dar up tho zakende / vn(de) roghghenbuck de heft dar mede vor de orveyde sworen //

Hinrik beringher besweret orueyde dar v(m)me dat hee / mit zinen bruͦder in der hechte zat dar nicht mer vp / zakende dar hebben vor louet Jacop bernigher / Hinrik houeman hinr(ik) beringher Tideke beringher /

Cregenberghesche vor sweret de stad by ereme leuede /

Cuͤrd cuͦleman is vor vested dar v(m)me dat hee henneke mester/ in der stad vryheyt dot schich ² vnde gaf zik an de vorvlucht / vnde is vorwu(n)nen mit alleme lubesschen rechte /³