[...uard] heydeke heft vor vested ß hinrick / [...wusse] vif hinrik van deme loe vn(de) hadden ? vm(m)e / [...] ene wolde hebben doet ghe slagen vor syme / [..yen] houe vn(de) jageden ene myt egge vn(de) myt / [...de] dar synt vm(m)e vor wu(n)nen myt alme lub(ische)n rechte /

Tyme sickowen is de stad vor boden var deme / gantze rade vm(m)e dat he ene(n) kamp bot to / vechtende vor deme rade vn(de) dat he sede dar / were dar¹ ene schrift hemelken inde zworue / tafelen schreuen darme em mede syn ere / wolde af tugen /

tomas bulle heft zworen vn(de) louet ene orueyde dar heft / syn vader hans bulle vore louet v(m)me dat he sed was inde / hechte vnde hadde hadde handelynge myt twen de hadden / lude ouer bort ghe worpen tuschen schaue vn(de) hir /

Ano d(o)m(ini) cccc ano decymi post assencio(n)is d(o)m(ini) judices / nicolaus bucowe joha(n)nes bantzekowe ludolfus oldeselle / nicola(us) ponat¹ ? /

Hans van den berge zwerd ene oreueyde vm(m)e dat he wart / [...e] vu(n)den des nachtes slapende tuschen beyden syngelen / vn(de) wart des ghe tegen dat he howeschilde scholde scholde / lowent ghe stolen hebben vp de sulue(n) nacht dar he sat / v(m)me inder hechte /

Helrik cartlowe heft vor vested hinreke van buͦlowe vm(m)e / dat he ene be rouede vn(de) nam em synen hoyken vn(de) synen / budel myt syne(n) pe(n)nyngen /

kyne Kregenberges heft vor zworen de stad vp gnade / der heren vm(m)e dat se en be ruchted wif iß myt vele / arges beyde ruͦfferyge vn(de) duͮuerye vn(de) andere sake(n) / der mer is //

tydeke mas vn(de) hans mas vn(de) herme(n) wreden vn(de) [en] / dorscher de synt vor vested vm(m)e dat se hinrik / mertens myt voresate hebben angewracht ij [blut] / vn(de) blaw vn(de) heten ene smuͮken sone myt dren vnde [...] / laten vn(de) syn wif wol myt v vnder saten brode / smuͦke /

Tilse wisen is de stad vor boden vme dat se qualtzen / dochter ereme egene(m) ma(n)ne vore vntholde myt ? / erme gude vn(de) mysek erer vn(de) be kendes do na /

Peter luchele vn(de) herme(n) schroder de synt vor vested / vm(m)e dat se clawes holtwrakere stelen syn gud / i(n) nacht tyden /

Hans steffens is vor vested v(m)me dat he synen egene(n) / swager werneke reuwerdes heft angewracht ene / lemede vn(de) j blut² vn(de) blaw vn(de) sprak em vele quade / wort /

Detlef van deme loe is vor vested v(m)me dat he berent / verssen an verdegede myt egge vn(de) myt orde vn(de) gaf / em vele quader wort /

Matẏes schroder vn(de) peter rugge vor zwerd de stad / vor deme rade v(m)me dat se ludeke ty(m)merma(n)ne eren / brodegen heren myshandelden vn(de) slugen ene in syme / egenen huß /

gu(n)ter lewessowe vn(de) heyne lewessowe synt vor vested / v(m)me den dotslach den se deden In hinrik hadelers / sone vp der stad veltmarke vn(de) vm(m)e de lemede ? vnde / v(m)me de blut vn(de) blaw de se deden in hans wulue / he(n)neke prens knechte to der suluen tid¹ /

Spalkehouersche de schrodersche vor zwerd de stad v(m)me / dat ße hinrik wessels wyue vele arges auer sede vn(de) / vnt ruchtede se in erer ere¹ //