[Anno] d(o)m(ini) M cocococo a(n)no decymo post assencio(n)is d(o)m(ini) / [judi]ces nycola(us) bucowe joha(n)nes bantzekowe ludolfus / [olde]selle nicola(us) ponat /

[...oke] en schipman vor zwerd de stad v(m)me dat he / stal syme schipheren en wantboys /

Hans gra(m)etze vn(de) syn wif katryne vn(de) talke stoltouores / vor zwerd de stad bẏ erme leuende v(m)me dat se kopke / zẏnerdes hadden tu(n)nen stolen /

Peter smyd wart brant ton teuen vn(de) vor zwor de / stad by syme leuende vm(m)e dat he valsche koponschop / dref tuschen den gerweren van rostke vn(de) den schomake(re)n / van der wẏsmer /

Hans ruͦssyng is vor vested v(m)me dat he gerke / westeden heft angewracht ene vulkomene wu(n)den / in nachtslapender tyd /

Richert hagemester vn(de) hinrik gipkendorp vor vested / marquard clawen ? van erywetze v(m)me dat he houet vn(de) / huset janeke van helpre vn(de) hadde syne perde dar mede / do se em syne(n) knecht af slugen vn(de) schude vte syme / brode vn(de) in syn brot /

greteke streuegesche vor zwerd de stad vp gnade der / heren vm(m)e dat se be grepen wart myt hinrik nyge(n)mark / vn(de) se hadde ene(n) echten man /

Ronen is de stad vor baden vm(m)e dat he drowet hadde / peter bolten vn(de) was dar mede be ruchted dar he ene / wolde mortbrant hebben /

Hans muͮrma(n)ne is de stad vor beden vm(m)e dat he / wilbrandes wif nachtslapender tid stotte in den / drek vn(de) sprak er vele guader wort //

Clawes vorke vn(de) hans luͮde hebbe de [stad vor] / zworen bẏ erme louende v(m)me dat se luno[wen ...] / stolen hadden vn(de) logen afrege rede /

Merten sal is vor vested vm(m)e dat he johan buͮte heft / stolen en bot alse gud alse v mark /

henneke re is vor vested dar vm(m)e dat he heft smeuͦte wiue / anghewrocht vij volekomene wuͦnden ¹ /

Albert scroder is vor vestet dar v(m)me dat he halp stelen twe voderde / hoẏkene vt der kerken to oldenborch vnde gaf sik , dar van an / ene vorvlucht vnde is des vor wu(n)nen mit allem lubesche(n) rechte / in der ieghenwardicheẏt der voghede her claws bucow h(er) johan / bantzecowe(n) lud(olf) oldezellen vn(de) her nicolay ponat /

Blanke de heft orueẏde louet vnde swore(n) dat he dar nu(m)mer vp saken vel / dar he mit ener vroken vurt ? vp ghenome(n) dar heft vore vorghelouet syn / swagher blifhirnicht dat scholde des daghes na vns(ers) here(n) he(m)meluart /

Hans schutte heft vor vested Svne ubytere ? dar vm(m)e / dat he ene dar de hant heft schoben vnde wolde ene / morden dar vm(m)e is he vor vested in aleme / lubeschen rechte /

ghereke kerstens heft swaren oreueyde alse oreueyde / recht is dar vm(m)e dat he sat in dat hechte van hans / westfals wyues weghen vm(m)e ere pater noster dat / scholde he stolen hebben /

hans rodenborch heft louet vnde sworen oreueyde / dar vm(m)e dat he sineme heren ghert stuͦbben walt / hadde dan in sineme hus vnde hadde sineme wi[ues] / an ghe wracht i blut vnde blaw