anno dom(ini) M ccc in deme twelften iare in deme aͣuende / maria magdalenen /

her diderik hecker hefft vor vested laten sterueberge / den bodel vm(m)e den mort den he dede an sineme / kinde dar vm(m)e is he vor vested mit ? alleme lubeschen / rechte vnde heft sik dar van gheuen in ene vor vlucht /

Jacop rinkste de heft dan oruͤeyde dar vm(m)e dat he sat in der / [hechte] vnde hadde stolen to lubeke sineme heren iiij suͦluͦerue / [...] oreueyde heft louet sin broder hinrik //

her dyderik tuͦckeswert vnde sine sones heliken laten [var] / vesten bertolt goluissen vnde sine mede hulpere de se [vort] / esschen vnde be vraghen konen vm(m)e den mort vnde [... heft ?] / half hundert mark suͦndich vnde vm(m)e den veraft [... vnde ?] / alse enen louen breken vnde vm(m)e den mort den se [...] / dan an sineme sone lutken tuͦckeswerde dar vm(m)e san ? se vor / vested mit alleme lubeschen rechte vnde se hebben sik / vorder be varet mit rechte weret dat ze berten [...] / an quͦemen vnde bertolt were dede vnde se ene [...] / dot sloghen dat scholen se nene not mer vm(m)e liden /

tideke huͦnrink vnde sin broder laten vor vesten marquard / karneuͦissen ? vnde sinen knecht nissen vnde gerke ? schomakere / vnde hinrike muͦlle vnde marquard hiden [dar] vm(m)e den / mort den se hebben dun an sineme kind vnde v(m)me ene / volkomene wunden de se em an wracht hebben vnde vm(m)e / eluͤen bluͤt vnde blaw dar vm(m)e sint se var vested mit / alleme lubeschen rechte /¹

heningh borsma(n)nes deyt oreueyde alsen oreueyde recht is vor / baren vnde vor vnneboren her diderik tuckesuerde vnde sinen / vrunden vnde deme rade dar vm(m)e dat he sat in dar hechte / vnde reth ?{rech ?} em des dat he scholde hebben met der vnte tuckeswerde / sinen sone hir heft ouer wesen her ludeke oldeselle her clawes / ponat vnde hermen wittenborch /

katheryne schūlte heft de stad vor swaren by ereme leuende / dar vm(m)e dat se hadde stolen enen hoyken vnde enen grape(n) //