hane vaget heft laten vor vesten henneke heydeken / vnde henneke ludekens vm(m)e ene vvlkomene wunden / vnde vm(m)e enen benbroke vnde vm(m)e ene lemede de / se [em an] wracht hebben by vnser stad veltmarke dar / vm(m)e sint se vor wu(n)nen mit alleme lubeschen rechte /

greteke strubes vorsweret de stadt vp gnade der heren / dar vm(m)e dat se was beruchted mit simon stenuͦelde / vnde mit sinen broderen vnde se hadde ouͤele spraken / her Johan duͦren vnde her ludeke wisschuͤren /

gherd kron deyt oreueyde der stad vnde hinrike van / haren vnde sinen vrunden vnde heft se be swaren vn(de) / be louet vor boren vnde vor vnboren dar nicht / mer vp to sakende to komenden tyden hir heft ouer / wesen gobele van sterne vnde hinrik odbrecht her hinrik / vrome vnde hinrik gebekendorp /

bertolt weytendorp heft laten vor vesten hinreke van der luͦ vnde / sinen knecht vm(m)e en blut vnde blaw dat se hebben an wracht / sineme knechte vnde wolden ene berouͤet hebben dar vm(m)e sint / se vor vested mit alleme lubeschen rechte /

Tyme hinrik valen knecht is vor vested dar vm(m)e dat / he hadde stolen bertolde by dar muͮren¹ vnde sinen broderen / ere guͦt vnde hadde em ere kiste vp broken dar vm(m)e / is he vor vested mit alleme rechte //

anno do(m)in(i) M cccc an deme drutteyden iare Judicie ? / her kedink her hinrik vilebom her hermen bruse in ? /

bernd kron heft laten vor vesten cuͤnrades oldenborghe / vm(m)e ene vulkomene wonde de he eme an wracht heft dar / dar vm(m)e is he vor vested mit alleme lubeschen rechte /

slomer heft laten vor vesten henneke hasetoppe vnde sine / mede hulpere de he vor esschen vnde be vragen kan / dar vm(m)e dat se em hebben nomen sin gut dar vm(m)e / is he vor vested mit alleme lubeschen rechte /

de werkmestere van den wullenweuͤeren de hebben laten / vor vesten clawes muͤsenissen vm(m)e duueryghe willen vn(de) / vm(m)e velscheryghe de he heft ghe dreuͦen vnde is vnder / sineme Rechte vntuͤloghen vnde heft sik gheuen in ene / vorvlucht dar vm(m)e is he vor vested mit alleme lubeschen Rechte /

Jn den jaren godes M ccccviiij Judices h(er) curt va(n) peghel h(er) hinr(ik) ware(n)dorp /

Rouer de racker de let vor vesten berliue zinen knecht / dar vm(m)e dat he em stolen hadde /

Hans ty(m)merman de vor sweret de stad dar vm(m)e dat hee / leuer hinrike syn wyf vnde syn ghut ghe schepet hadde / vn(de) wolde mede zegheleͤn in dennemarken he scal der wisin / nicht negher komen wa(n)ne up teyn mile by syme leuende /

Elizabeth stubbelowesche de vor sweret de stad / vm(m)e deuerie willen by ereme leuende /

katherina buͤcholtes de vor sweret de stad by ereme / leuende vm(m)e deuerie /

Hile stuckebusse vor sweret de stad by ereme leuende / daer vm(m)e dat ze mit hinr(ik) copma(n)ne in deme halsyseren stuͦnt /

hinrik copma(n) be sweret orueyde daer vm(m)e dat hee mit hille / Stuckebuͦssen den deme halsyren stunt nicht mer daer uͦp tho / zakende tho thokomenden tẏden //