Leuen heren Id vorlerp sijck vp ene tyd dat ik der vramen vrouwen [...] ¹ / halp kopen want to rocke vnde to hoyken van drendelenborghe vn(de) [...] /nen wo vele wandes desse kledere hebben Desse kledere hebbe ik reydema/ket vn(de) is ghekomen to ener bruthlacht dar heft se ane gheha[...] / rock vn(de) hoyken so is desse erlike vrouwe her vicke sassen vrouwe [...] /ge wesen to der suluen kost vnde heft er baden luckes myt erenkledere / Do sede de brackowessche ya myn oͤm rykehoff de schal myn oͤn weren / men id is eyn kraden schal vnde eyn def he heft my ene halue lenghe / wandes ge stolen vthe myneme hoyken vn(de) sede syn wyf de gynck von / myner doren hen vn(de) ik sach dat se eyn par mouwen van myneme / wande ouer eren armen droch Do quam des anderen dages / desse sulue vrame vrouwe vn(de) sede id my do sede ik dat [...] / sware sake do sede se wolde ik id hebben se wolde dar henn [...] / vn(de) wold(e)er vraghen oft se der worde ock wold(e)bekant wesen / do sede se ya , dat se gesecht hadde dat wold(e) se nicht neyn / segghen do hadde se alrede ghe wesen vor eyn part myner / schrot geste de se wüste vn(de) to eneme kyndelbyre vn(de) hadde / em ghemethe(n) ere hoyken de ik gemaket hadde vn(de) al sede / se eme dat ik em hadde gestolen ene halue lenghe den ik hoyke / gemaket hadde vn(de) sede id en allen vn(de) hijr hord(e) yn eyn part der [...] / vn(de) toghen van my vn(de) leten my nicht mer neghen dat ruch[...] / heft my wol xl marck gheschadet wente an de loghene [...] / horet me nü mer an wen yn de warheit vn(de) ik hebbe de clede / wedder an myn hus gekreghe(n) vn(de) hebbe dar touor badet de / werk meystere vn(de) hebbe en secht den tal des wand(es) dat se schal / dar vp sen vn(de) se hebben baden santh brackouwen vn(de) hebben vn/mechtich gedelt de kledere Do sede brackow ya , so byn ick des / wol to vreden do sede ik neyn id is dar nicht genoch ane ik wil / de kledere hebben vor den ganssen rath Do sprak myn valssche / vrunt langhehoff Bert latet em de kledere to hus nemen / vn(de) dat gy juw kond(en) vordrege(n) yn vruntschoph dyt leit ik henne stan / wol iiij weken Do leit ik ene vor baden to rechte Do neme(n) vns de / voghede yn dat rathusz vn(de) wy seden vns to lyke yn de kerken dar / quam ik myt mynen vrunden Do quam brackow vn(de) sede he en kond(e) / syne vru(n)t nicht krighen vn(de) wy nemen auer ene(n) anderen dach / brackow de quam echtes nicht wy schold(en) wedder kome(n) vnuorbadet / vor dat recht brackoͤw de quam nicht Do vor nam ik dat he mer wille(n) / hadde wen ick so leit ick dat blyuen wente nu to desse tyd nu wil / ik id medebruken