In godes namen amen In dem iar(e) na der borth der sulften DusentveerhundertNeghentich In / der achten Indictien am(e) Sonauende de dar was de neghede dagh dre Maents Januarij tor jeghenwordighen tidt edder dar bij Pontificat(ion) / des allerhilligesten in god vaters vnd(e) her(e)n her(e)n Invocatien van gotliker vorsichticheit pawesz des achten In sinem sosten Iare / vor dem wordighen vnde vorsichtighen ma(n)ne heren vnd(e) Mester Johann(es) Gernouwen In den geistliken rechten Baculario / vnd(e) des Gewerdighen In god riders vnde her(e)n heren Johan(nes) Bisschopp(e) to Raceborch Officiali vnd(e) Stadholder vnd(e) In / vnser apenbaren Notaretieen vnd(e) enghe vnderscreuen Jegenwordicheit Sint de Ersamen vnd(e) vorsichtighen ma(n)ne vnd(e) / her(e)n Gerd lost Bernd Peghel vnde Johan hoppenacke Borgermester(e) In erem(e) des Rades borgher(e) vn(de) Inwon(e)r der Stad / wismer namen van der eynen vnd(e) Johan Dudenborgh borgher der suluest van siner eghenen vn(de) Agneten siner eeliken / husfrouwen wegen(e) den hinrick kracht nomet siner dochter man van der anderen ziden , Jeschenen vn(de) vorgekomen Vnd(e) / de obgnan(ten) Borgermester(e) In erem vnde ener borgher vnde Inwon(e)r namen dorch den werdighen her(e)n magist(er)en Got/fridum fersenalen erer Stad Scriue(re)n vnd(e) Secretariu(s) hebben vpdecken vorgheuen vn(de) dem obgnant(en) Johan du=/denborghe laten vraghen , Offte hee edder sin husfrouwe Agneta hinrick krachte , den Raeth borgher(e) vnde Inwon(e)r / der Stad wismer vorben(omed) vor de vrienstole edder anders wer to Carren(de) vnd(e) luden(de) In eren potentatorem hebb(e)n gesettet / vnd(e) vulmechtich gemaket , War is de vorscreu(ene) Johan antworde , dat hee edder sin husfrouwe hinrick krachte to nenen sa=/ken hedden gemechtigzet , Ok van en Jemande vor de vrenstole edder anders wet to Citeren(e) nicht en wer(er) mechtich ge=/maketh , Hinricke ok nene macht van erer wegen(e) In nenen saken Jeghen der Raeth borgher(e) vn(de) Inwonre vorb(e)n(omed) de / hebben to stunden Vnt der wete dorch den obg(nanten) mester Gotfrideme Johanne vorg(escreuen) gefraghet Offt hee ok Jenighe to / sprake hedde gehath edder noch hedde teghen den vorscreu(enen) Raeth borgher(e) vnd(e) Inwon(e)r van schy(n)nynghe berouy(n)ghe / vn(de) entwedeny(n)ghe weghen de siner husfrouwen In erem(e) kindelbedde vn(de) krame schalen gescheen vn(de) wedderfaren wesen / dat de Raeth tor wismer gehenghet vn(de) beleneth schale hebbn , So ene Citarie dorch werner vam Smiderhuesz vpp(e) vorfer=/dernighe hinrick krachtes vn(de) sines procu(r)atoris vthgesant dat vormeldet , Dar dan Johan vorb(e)n(omed) to antworde vnd(e) / sede dat hee to dem obgnant(en) Rade borgher(e)n vnd(e) Inwonren nene tosprake der wegen edder anderer sakehaluen en hedde / Ok Hinrick krachtes knecht vth siner husfrouwen kindelbedde vn(de) krame nicht en wer(e) ghenomen de Raeth ok sodansz / nicht en hedde gedaen noch doen laten bewillet edder bevulbordeth , sunder eyn genomet hermen klokow hedden In vor=/bedenen tiden v(m)me vndaeth vn(de) vorwerckunghe enen knecht mit rechte vpp(e) hinrick krachtes werkstede In der kremer / strate belegen antasten laten welker bode vnde werckstede deth van hinricks huses vthghenghe vn(de) Inghanghe was / vn(de) noch wer(e) de werde wonynghe , So dar hee eder sin husfrouwe der wegen(e) mit dem Rade borgher(e)n vn(de) Inwon(e)ren / nenen vnwillen , sunder alle lieue vn(de) fruntschopp en wuste , vnde ok mit dem obg(enanten) Hermen klokowen fruntliken vnd(e) / gutliken , In bewesen(e) des vorscreu(enen) hinrick krachte , vor den obg(enanten) her(e)n Borgermester(e)n wer(e) in vorghanghenen Jar(e)n / vorenighet vn(de) gesleten vn(de) sick an buden tziden ghentzliken vorlaten , Vnde der wegen(en) mit dem Rade borgheren vnd(e) In=/wonren vnd(e) hermen klokowen vorgnant , ok mit dem ampte der [hortnieter(e)] anders nicht men lieue vn(de) fruntschop en / wuste Se hee apenbare frede tosteat vnd(e) bekande , Wart Johanne brerder gefraghet , Oft Agneta sin husfrowe vorb(e)n(omed) / Hinrick krachts dochter wer(e) , dar up Johan vorben(omed) antworde , neen See Hinrick krachts husfrouwen , vn(de) nicht Hin/ricks dochter wer(e) , Sin eelike vn(de) echte husfrouwe wer(e) , vn(de) qweme Hinrick krachte nicht to vordedinghende Vpp(e) desse / vorfar(e)n bekantnisse de ergnanten her(e)n Borg(er)mester(e) In erem ok erer borgher(e) vn(de) Inwon(e)r namen esscheden vn(de) beden / vns apenbaren Notarien vn(de) vndergescreuen(en) Schriueren , wij en dar eyn [Ins ...] edder meer vp maken vn(de) gheuen / wolden , Desse dinghe alle sint gescheen tor wiszmer In der groten Schriuerye In den Iar(e) [Indetien] daghe Maente vnd(e) / Pontificatie so bauen gescreuen stath In Jeghenwordicheit der bescheden(en) ma(n)ne Hans Barndorpp Drewes vosz vnd(e) Hinrick / Runema(n) borgher(e) tor wismer des vorben(omeden) Raceburg stichts tughe hir sunderg(enant) tho gheesscheth vnnd(e) ghebedenn . /

Unde ick Herma(n)nus Rentenhaghen Clerick des gestichts va(n) Munster / van pawesliker vnd(e) keiserliker gewalt Notarius vnde vor dem werdigen / vn(de) vorsichtigen ma(n)ne heren vnde Mester Johan(n)is Groneulben Officiali / bauengescreuen In desser sake apenbare Schriuer , wente sodane vra=/ghinghe vorhoringhe vnd(e) bekantnisse vnd(e) allen anderen vorgescreu(enen) De see alsewegesecht schegen vnd(e) handelt wurden , Ick mit dem / beschenen Johanne Retzendorp Clerike lubesches stichts van keiser/liker gewalt Notarius vndergescreu(en) samptliken gheesschet vn(de) vorbe=/nomeden tughen hir bij Jeghenwordich bin gewesen , Desse dinghe / alse gescheende gheseen vnde gehoert hebbe Vnde daru(m)me dit Jegen=/wordighe apenbaer(e) Instrument(um) mit myner eghenen hant geschre/uen Ok mit mynen gewontliken Sign(um) namen vn(de) tonamen mede / mit anhenghinghe des vorben(omeden) her(e)n Officiaels Ingheseghele getekent / vnd(e) bevestighet In glouen vnde tuchnisse alles vnd(e) enes Jeweliken vorben(omeden) gebeden vnde gheesscheth / ¹

Unde ick Johannes Bekendorp Clerick lubsches stichtes van / keyserliker gewalt Notarius vnde vor dem(e) werdighen vnde / vorsichtigen manne Her(e)n vn(de) mester Johann(is) Gronouwen / Officiale bauen geschreuen In desser zake apenbar Schriuer / wente sodaner vraghinghe varhoringhe vn(de) bekantenisse / vn(de) allen ander(e)n vorgeschreuen(en) Do see alse vorgesecht / scheghen [...] ghehandelt wurden Jt(em) myt deme beschedenen / Herma(n)ne krynwungher clericke monsterssches stichtes van / paweszliker vn(de) keyserliker ghewalt Notarius bouen geschreuen / samentliken gheesschet vn(de) vorbenom(ed) tugher hir by Jegenwar=/dich bin gewesen Desse dinghe also gheschende gheseen vnnde / ghehoret hebbe vnnd(e) dar v(m)me dit Jegenwadighe apenbar(e) / Jnstrument mit der hant der vorben(omenen) herma(n)n geschreu(en) Ok mẏt / mynen(n) ghewentliken Signa(tum) namen vn(de) tonamen mede mẏt anhenginghe des vorghenan(ten) her(e)n Officials Ingesegele ge=/tekent vn(de) beuestighet In gelouen vn(de) tuchnisse alles vnnde / enes Jewelken vorben(omeden) gebeden vn(de) geheesschet /