In gads namen amen In dem iar(e) na der borth des sulften Dusendveerhunderthneghentich In der achten Indictien / am midweken de dar was de drutteynde dach des maentz Januarij tor [...] tid edder dar bi so man [sick] ¹ des alderhilligesten In god vaders vnnd(e) / her(en) her(e)n Innocentij van gotliker vorsichticheit suwes des achten In sinem sosten iar(e) vor dem [we...] vn(n)d vorsichtigen ma(n)ne vn(nde) her(e)n mester / Joann(e) Greuenwen In den geistliken rechten Bacular(u)s Vnnd(e) des Erwerdighen In god riders vnd(e) god(es) her(e)n Johann(es) Bisschopp(e) to Raceborgh / Staetholder vnd(e) Officiaell awer dat stichte Raceborgh Vnnd(e) In vnser apenbar(e)n [Not...] vnde [tun ....] gescreu(enen) Jeghenwerdicheit , De Ersamen / vnde vorsichtigen ma(n)ne vnd(e) her(e)n Gerd lost . Bernd Orghell vnd(e) Johan hoppenacke Borg(er)mester(e) [...] des Rades edder borgher vnd(e) Inwon(e)r name(n) / der Stad wismer Raceborg stichts van der eynen vnde herman klokow hoemester van der and(er)en zide , sint erschenen vn(nde) vorgekomenn / Dar de obgnant(e) her Gerd lost In erem(e) des Rades borgher(e) vnde Inwon(e)r manen vorben(omed) dem [...] hermen klokouwen vpdeckede vn(de) vorgiff / wo werner van Sunderhuesz Vappene des vrienstols to hart In dem stichte van Munster vnde to siner linken belegen . Ewe Citatie vpp(e) vor / forderinghe hinrick kraches vn(nde) sines [pat(er)nwis] schole hebbn vthgesane Dar Inne den Rath borger(e) vn(de) Inwon(e)r vorben(omed) to rechte gedinghet / vnde [...] , daru(m)me dat see gehenghet vnde belent schalen hebben , dar de homester(e) bynnen der stad siner dochter kindelbedde vn(de) In dem / hilligen ampte dar see van groten kinneschaden Inn(e) lach geschyn(n)et scholden hebben mid weldigher vn(de) wapender hanth , vn(de) dar hinricks / knecht vthgename(n) vn(de) gefangen , we de citatie dat wider heft begrepen Vurder dem obg(enanten) [hinrick ...] vorghen(anten) Oft de Raethborger(e) vn(de) Inwon(e)r / tor wismer vorben(omed) em sodan(e) hedden gehvten , dat her scholde hinrick kracht(es) knecht mit wapen vn(de) wald nemen vth dem(e) huse , dar hinricks / steiffdochter dat kindelbedde Inne lach den kinem alse beschymen vnde oft sodan(er) van em ok wol gescheen , Dar de vorstreu(ene) herme(n) klokow / to antworde vn(de) apenbare sede , Dar de Raeth borger(e) vnde Inwon(e)r nicht en hedden gehenghet [bedrutt] bewillet edder bevulbordet mit weldi/gher vnde wapender hant , hinrick kracht(es) [wines] dochter kindelbedde vnnd(e) [kann to schyma(n)] vn(de) to entweder(e)n edder Jema(n)de dar vth tho / nemen(e) Ok van em ofte den homisteren edder anders mi(n)nende nicht geschy(n)net edder [en...] wer(e) sunder In vorledenen iar(e)n sick hedde / begeuen , dat hee in hinrick kracht(es) bode vn(de) wereschtede in der kremer strate belegen vorne Ine hinrick kracht(es) huses vthgange vn(de) Ingan/ghe dar de obgnant(e) frouwe In dem krame vnd(e) kindelbedde Inne lach de veerde bode vn(de) [won(n)ghe] was In ener ander(e)n strate , enen knecht / mit rechte hedde laten vn(de) antafern v(m)me etlicher tosprake vnderer vn(de) verwerhunghe [...] hee vn(de) de sulue knecht alse hee wesz / was mit willen vn(de) vulborde ok biwesen(e) des obgnan(ten) hinrick krachtes vor den vorstoru(en) her(e)n Borg(er)mester(e)n weren vorenighet vn(de) vorliket / vn(de) de ene den anderen ghentzliken vn(de) entliken hedden vorlaten , Sodann(e) to bewisen(de) vnd(e) warmaken(e) sint to der suluen tid vn(de) stede vor / den obgnant(en) her(e)n Officiaele dorch den obgnant(en) hermen klokouwen mit rechte dar to gefordert gekomen arnd hollander . hinrick wenth vn(de) / Peter praell borger(e) tor wismer nicht van vruchten nicht van gelt gifte edder gaue leue ofte [...] noch van fruntschop edder hartz willen / Sunder rechtliken van dwanghe vn(de) hethe na recht(en) vornunge des obgnan(ten) her(e)n Officiaels vpp der hillige(n) euangeli(e)n ver(e) vingher(en) leggen(e) / gestaueder erde lifliken to gade sinen hilligen vn(de) bi dem hilligen euangelie geswarer tugher vn(de) wargemaket , Dat see gesvert vn(de) dar an / vn(de) auer hedden gewesen Dat hermen klokow vorben(omed) v(m)me etliker tosprake vndaet vn(de) vorwet thinge willen den vorben(omeden) knecht in hinrick / krachtes bode vn(de) werckstede in der kremer strate belegen mit rechte hadde laten antasten van hinrick kracht(es) wonhuses vthganghe vnd / inghanghe v(m)men den orth In ener ander(e)n strate de oldewismer strate genomet de verde bode vn(de) woninge was vn(de) is , vn(de) nicht in hin/ricks huse edder in sines wiues dochter kindelbedde vn(de) krame De Raeth borger(e) vn(de) Inwon(e)r vorben(omed) ok sodan(er) nicht en hadden gehengheth / belenet edder bevulbordet ok dat hermen klokow vn(de) de vorgnan(te) knecht sick nicht lange dar na vor den obgnant(en) her(e)n Borg(er)mester(e)n In bi/wesen(e) vn(de) mit willen vn(de) vulborth hinrick kracht(es) sint vortinghet vn(de) gesleten vn(de) de em den ander(en) gentzliken hedde vorlaten , dar see ok / mede an vn(de) auer hedden gewesen vpp(e) welker vorfar(e)n rede antworde tuchnisse vn(de) eide ? de ergnan(ten) her(e)n Borg(er)mester(e) In erem(e) des Rades / borgher(e) vn(de) Inwon(e)r namen esscheden vn(de) beden vns apenbar(e)n Notar(ien) vn(de) vndergescreu(enen) Schriuer(e)n So vns ok de obgnan(ten) her(en) Officiaell / vorvtleuede geboeth vn(de) hete wij en dar ey(n) Instrume(n)t(e) edder meer . ok so vele der van noden werde vpp maken vn(de) geuen scholden Vn(de) de obg(enanten) / her(en) Officiael tor warheit vn(de) merer sekerheith sines amluchte Ingesegell beneden(e) heft laten hengen an dit Iegenwordige Instrument(es) / Vnde desse alle sint also gescheen tor wismer in der groten Schriuerie des Rades In dem iar(e) Indictien dage maente vn(de) pontificatu so bauen / gescreu(en) steith In Iegenwordicheit der beschedenen ma(n)ne Gerd westuaell Hans hardenacke vn(de) michel berneke borger(e) tor wismer tughe / hir sunderg(enanten) to gheesschet vnnde gebedenn /

Vnde ick Hermanns Kru(n)thninghe Clerick des gestichts van Munster va(n) pawesliker / vnde keiserliker gewold Notarie vnde vor dem werdigen vn(de) vorsichtighen manne / vn(de) her(e)n mester Johan(nes) Stouenben Officiali bauengescreu(en) In desser sake apenbare / Schriuer(e) wente sodaner [borde] antworde tuchnisse vnde rede , vn(de) allen ander(e)n vorgescr(euenen) / de see alse vorgesecht is scheghen vn(de) handelt wurden , Ick mit dem(e) beschedenen / Johann(es) Begendorp Clerike lubesches stichte van keiserliker Notare(n) vndegescr(euen) samptliken gheesschet vn(de) vorbenomden tughen hir bij Jegenwordich bin gewesen / Desse dinghe also gescheende geseen vn(de) gehoert hebbe , vn(de) daru(m)me dit Jegenwor/dighe apenbaer(e) Instrument(e) mit myner eghenen hant gescrivue(n) Ok mit mynem / gewontliken sygnet namen vn(de) tonamen mede mit anhenginghe des vorben(omeden) / her(e)n Officiaele Ingeseghele getekent vn(de) beuestiget , In gelouen vn(de) tuchnisse alles / vn(de) enes Jeweliken vorben(omeden) gebeden vn(de) gheesscheth . /