Inn Gades Namenn amen . Wi Borgermeister vnnd Radtmanne . der Stadt Wismar . Bekennen / vnnd betuͦgen [...] Inn duͦsser schrift , datt wi ihn dem Jare vnsers herrn duͦsentt verhuͦndertt / vnnd Negentich am friedage vor Sunte Luͦcas dage des hilligen Euangelisten hebben Begeuͦen / verlenth vnnd geguͦnth eine Ruͦlle vnnd gerechticheitt tho hebben den Malern vnnd [Glasemakeren] / wollen desser Stadt wor nha scho sich scholen vnd Mogen richten so lange we Eines andern / tho Rade wurden [Offt?] wi sodane gerechticheitt gans [Ofte] ihn einige dele vermherenn vermerren / vorbesern Edder Wedderropenn /
Innt Erste schall ein Jewelich geselle dasz Obgenhen(an)den amptes , wen he veertenn dage gearbeidett / hefft he wille denen wandern Edder nicht , geuͦen ihn des amptes Buͦsse tho veertiden des Jarrs / tho einer ihslichen Tidt veer Penning lub(esch) /
Vnnd ein Jewelich suͦluͦest her das ampts schall ock dergeliken tho den Obgenanten veertiden geuͦen / ihn de Buͦsse sos Peninnge , hier affschall nu holden alleihar twe begecknisse vnnd de lehn ihn / de ehre Gades vnnd Suͦnte Luͦcas /
Item tho disser vorberorde Buͦssen scholen wesen dre schaffer , eine van den Suͦlfes hern vnd Twe / van den gesellen , vnnd scholen vns alleihar vor dem ampte dar vorhenschon van dhen vnd de Buͦsse / schal blyuͦen ihn Eines Oldermans huͦs tho vorwarende , Ock schall mhan alle ihar einen Kirrschaffer / ihn dat Olden Rade kysen , vnd auͦer andtworden dem den Schlotell /
Item offt ihenig vnbegeuͦen Geselle , das Obgenanden amptes gekrenckett worde vormiddelst Gottlicher / kranckheitt , alsz daat he de Kranckheitt nicht van schlaghtinge , Edder van egen [Bischnitt] wegen gekregen / hadde , Offt sodane Kranckheitt were der he sich sin leuͦedage vormoden mocht so schall man Eme / Na rade der Olderlude vnnd der schaffer van der Gesellen wege vth der Buͦssen vorleggenn / vnnd Offt ehner so verstoruͦe dar vth der Buͦsse vorlecht , [Wor] schall mhen sodane [vtheleihe?] / Baldtt wedder sokenn , ahn dem sinem , Oft an sinen fruͦnden beholdtt he Ouͦ(er) datt leuͦentt so / schall he datt gelende geldtt vordenen , vnnd wedderuͦme geuͦen ihn de Buͦsse /
It(em) schall nhen geselle de spelen geitt , ander gesellen halen Edder halen laten , van seines Meisters / arbeide bi Broke vnn(de) vorluͦst des amptes /
It(em) ock schalen de Gesellen sich nicht Thosamene vorbadenn Edder sake vndersich stunn sonder idt si / van den schaffernn , der Gesellenn den Olderluͦden Erst vorkuͦndigett vnnd angebrachtt / wor den Olderluͦden vorhandelt vnnd gemerckett Offt de sake ok Rechtferdich si /
It(em) Offt de Gesellen des Obgenanten amptes Beer uͦp leden Edder vordeell hedden dar scholen / she Nemande tho dwingen , bi Broke , dar tho Thogande /
It(em) offte hier Jenich Geselle wer Edder qweme de Jnge ditt gesette vnd [da] se Ruͦlle don wolde offt / ein [qwadtgeruͦfte?] sich hadde Edder dem Qwade Breuͦe nha qwemen dem scholen de schaffer Mith / der Olderluͦde willen datt arbeitt vorbeden so lange he sich der sake wo recht is Entleddige vnd / benhamen hefft Ock offt hier ihenich Geselle wer de bi sodanner arbeiden(de) vnnd de sake / wuͦste den schal mhe vnwordich holden gelick den sakewoldenn /
It(em) Nen Geselle schall van sinem Meister wandern Edder Jenich suͦluͦest her seinem gesellen / Orloff geuͦen suͦnder de Eine segge dem andern veertheiendage tho vorrn [rise?] /