Jn gades namen amen Wy borghermester / vnde radma(n)ne der stad wismer bokennen vnde / bethughen apenbar In desser schryfft dat wy / Jn dem Jare vnses heren dusent verhundert / neghentich am vrigdaghe vor sunte lucas da/ghe des hilghen ewangelisten hebben ghe gheue(n) / vorerleueth vnde ghe ghunt eyn(e) rulle vnde rech/ticheit to hebbende den molren vnde glasener(en) / vnd(e) ghesellen vnde knechte(n) desser staͦd wol na / se syk scholen vnde moghen richten So langhe / wy eynes ander(e)n to(m) rade werden Offt wy so / dane rechticheyt gantz ofte In eynem(e) deele / vormeren vormy(n)ren vorbether(e)n edder wedder/ropen willen /
Inth erste scal en jewelik gheselle des obgnant(e)n / amptes wen he verteyndaghe ghe arbeydeth / hefft he wille de(n)ne wanderen ofte nicht gheue(n) / In des amptes busse to ver tyden des Iares to / eyner Ieweliken tyd ver pe(n)nyngh lubesch /
Vnde en Iewelik fulmester(e) des amptes schal / ok dergheliken to den obgnant(e)n ver tyden / gheuen In de busse ses pennyngh hir aff / schalme holden des iares twe beghenknysse / [vnde] de lichte In de ere gades vnde su(n)te lucas /
It(e)m to desser vorberorden bussen scholen wesen / dre schaffer(e) en an der suluesher(e)n vn(de) twe / van den ghesellen vnde scholen eyns alle Iare / vor dem(e) ampte dar rekenschop aff don vnd(e) / de busse schal wessen In bewaryngh In eynes / olderma(n)nes huse Ok schal men alle iare eyne(n) / nygen schaffer(e) In des olden stede kesen vnde ant/werden ene den slotel /
It(e)m Oft Jenich vmbegheue(n) gheselle des obgnan/ten amptes ghe krancket worde vormyddelst / godeliker kranckheyt also dat he de krank/heith nicht van slachtyngh edder van eghener / bosheith weghen ghe kreghen hedde Oft so / dane krankheit were der he sik syn leue daghe / vor moden mochte so schalme(n) ene na rade / der olderlude vnde der schaffer(e) van der gheselle(n) / weghe(n) uth der bussen vor legghen vn(n)d offt / een so ver storue de uth der bussen vor lecht / were Schalme sodane vor lechte gheld wedder / soken an dem(e) synen ofte an synen vrunden / beholt he ok dat leue(n)t so schal he dat ghe/lende gheld vordenen vnde wedder gheuen / In de bussen /