Dat is ghededingheth vnnd vnnd(e) eynghedragh(e)n twissch(e)n Hinrick Peters / vnde Clawes stormer van weghen(e) der nalaten(e) guder(e) Seligh(e)n hans scro/ders In aldusdaner wise , Dat Clawes vorb(enomet) schall gheuen hinr(ick) Petersz / vor costghelt van hans scroders weghen(e) veftich Hir mede schal hee / hebbn vnnd(e) beholden alle nalaten(en) guder(e) des suluen hans vnd(e) dar to de / hundert m(a)r(k) de dar stan in dem(e) erue dat wandage hans wismer tobehord(e) / vnd(e) nu dem(e) Iunghen Bernd Peghell belegh(e)n bij her Branth smede , / Also dat de hundert m(a)r(k) clawes Stormer tobehor(e)n , Hijr mede schalenn / beide vorscr(euen) parthe ghescheiden wesen van eyn(e) vnd(e) erer eyn beholt nene to / sprake to dan(e) ander(e)nn , noch des eynes eruen to des ander(e)n Dith is geschen / In den Jar(e)nn vns(es) her(e)nn Mcccc ey(n)vn(de)neghentigh fe(r)ia q(ua)rta post letare vor de(me) / her(e)n Borg(er)mester(e)n Gerd lost Berndt Peghell Iohan Hoppenack(e)n vnnd(e) / Peter Malchowe(n) Vor tughe sinth hirr bij gewese(n) Reymer garthma(n) hinr(ick) / louwe vnd(e) Diderick branth tughe hir to gheesscheth /

Clawes Dunnenbitel hefft syne kinder(e) van sick ghesundergheth Alze / Gretken vnnd(e) Anneken vnnd(e) hefft en gegeuen voe moder erue mid wil/len vnd(e) vulborde erer vormu(n)der(e) vnd(e) neghesten hansz hanneks vnnd / siner beiden soensz vnnd(e) Lutke felsing hunderth m(a)r(k) den kindern tho / betalen wen soe komen to eren mu(n)dighen Jar(e)n , Hir vor hefft Clawes / ghesetteth vn(de) vorpandeth all sin gudt de kinder(e) schalen ok hebbn der / moder kleder(e) , klenode vnd(e) Inghedomethe Jt(em) twe bedde twe houetpole / Vnnd(e) de dekenn(e) kussen(e) vn(de) laken(e) mit den kledernn sint beslaten /