A(n)no xci

It(em) an deme dinxtedaghe francyskuͮs / do wart hynrik grantzin vnd(e) sin / husurowue vor mordet vor deme / olden wyssmerschen dore do weren / voghede her Johan bantschow vnd(e) / her hinrik kladow vn(de) ik wart / rychte schryuer pawel gholdberch vpp / den suluen dach vn(de) dyt sint sinene / naghelaten ghuder In dat erste xxv / grapene xxxvj stukke tynwerkes / It(em) noch j groue(n) vrowen hoyken / noch j blawen vnder rok / noch j swarten vrowen hoyken / noch j roden vrowen suben / noch j roden leydeschen rok mid vlughe(n) / mowen noch j rod leydesch vrowe(n) hoyke(n) / noch j swart vrowe(n) sube / noch j swart vrowen hoyke / vn(de) j par mowen noch Junchmowe(n) / byndeken j ghuldene spanghen / noch j peltz j olt pels vn(de) xxi s(chillinge) in / eneme schryne noch in erer / votkysten j enghelsche dekene // It(em) noch besteken kussene vj / noch en(en) bunt gharns / It(em) noch iiij honet kussene / It(em) noch j stukke lowendes / noch ene beddes buren / noch en stukke vlessens louwendes / noch iiij bedde lakene / noch iiij honet kussene / noch iij tanelakene vnd(e) iij duwelen / noch ij ghestelakene vn(de) j ghestebedde / noch vppe deme bone iij lamfelle / noch in korne dromet hauerer / noch iij schepel rogghen / noch j dromet grawer erweten / noch iij tu(nn) bers vn(de) j bekken vn(de) j hantfat / noch ij swarte ketele vn(de) sin bedde alse dat lycht / myt ij honet polen vn(de) j dad ¹ lade myt den doken / noch j kysten myt lynnewerke vn(de) j lade myt / plunden vn(de) ij mans horken vn(de) j mans rok / noch j entfeldyghen vn(de) j swarten horken / de hort framen to /