In godes namen amen In den jaren do me / schreff na der bort Cristi Dusent veerhun/dert vnde twe vnde neghentich Do qwe=/me wij werkmestere der wullenweuer(e) / Hans jserberner v(n)nd Clawes ryke or / een myt vnszeme gantzen ampte an / Jeghenwardicheit der bormestere Daer / en Jderman de an vnsze ampt wyll / der wullenweuere schall halen nogaf=/tighe bortbreue Dat he ÿs echte vnde / rechte ghebaren Offte he schall dat tuge(n) / vor den bormesteren myt loffwerdighe(n) / erlyken luden /

Vortmer em de werkmestere beden hebben / ene morghensprake Szo schall he en / gheuen twe stoueken wẏns vnde twe / rychte wat em beleuet /

Vortmer wen de morghensprake ghescheen / ÿs Szo ghyfft he veer schilli(n)ge yn dem(e) kroge /

Vortmer wen he ens tholathen ÿs yn der / morghensprake Szo scholen de werkmester(e) em vort helpen wor dat ampt tho hope / kumpt Szo schall he gheue(n) achte schilli(n)ge / Jn deme kroghe wen he des beghere(n)de ys /

Vortmer schall he gheue(n) ene(n) mark gulden ¹ tho / harnske v(n)nd boldeke vnde tho lichten /

Vortmer schall he gheuen deme ampte // eyn(en) richte grapenbrade vnde ene tu(n)ne bers / vnde botteren vnde kesze /

Vortmer schall he doen den werkmestere(n) / ene collatie, twe stonenken wÿns vnd(e) / [...] richte alse id oldinghes ghewese(n) hefft /

Vortmer schall he gheuen vor alle ander / koste de affghelecht zÿnt v(n)nd ok vor / de denst breue veer rynsche ghulden / de schall he vth gheuen Jn den ersten / ver verendell Jars tho der rekenschop / sunder ÿenigherleye ander koste voͤr(e) / edder na dat scholen de werkmestere / myt eren eeden bewaren /

Vortmer woll ene wedewe kricht offte / ene sulues heren dochter deme schall / me vort helpen myt ener morghen / sprake vnde holden alse vore ghescre=/uen steÿt /

Vortmer enes sulues heren sone schall / me vortsteden wor dat ampt to hope / ÿs vnde don na also vor(e)ghescreue(n) steÿt / sunder de veer ghulden schall he nicht / gheuen vnde schall ok wanderendes / vrigh weszen wen dar noth szake / bÿ ÿs /