XLIX

Dar is gededinghet vnnd(e) eygedraghen twisschen Michell borneken vnd(e) Curd / moer van weghen des druppenfals van der schunen des vorgnant(e)n Michelsz / beleghen bij der muren , In aldusdaner wise Dat Michell schal laten / maken enen roensteͤn van Bruggestenen in Curd hoff , vnd(e) dar In schal / Curd vorg(e)nant vn(de) alle sine nakomelinghe entfangh(e)n den druppe(n)fall / van Michelsz schune , vnde dat water vort laten laten lopen vnder sinem(e) / stalle bij der stad muren vth Dit is gescheen vor dem Ersamen Rade / de dar was in Curd haue Anno etc(etera) xcij am(me) midweken in der Quater=/tempe vor winachten vor tughe sint hir bij gewesen Gerd Cladow Herme(n) / Mallchow vnd(e) Arnoldus Sluytz Hir vor gaff Michell dem obgnan(ten) / Curd moer dree m(a)r(k) lubesch alse desse scrifft wart gescreuen Anno .etc(etera) xcij / jn Sunte Nicolaus auende Van hethe der Ersamen her(e)n bernd Peghell / Gerd lost Iohan Hoppenacken vn(de) Peter malchouwen Borg(er)mester(e)n , In / biwesen(e) der beschedenen Arnold(es) sluyt(es) vorb(e)n(omed) vn(de) Iacob kleynen Erff/sett(e)nn borgher(e)n to der wismer /