L III
Marquard erpp hefft vorlaten mit hande vn(de) mit mu(n)de Hans tru(m)per vn(de) / sine borghen alse Titke schermer vn(de) He(n)ningk vamtsnider vn(de) beholt / nu na desse dage vurder ieghen den obgnan(ten) Hans Tru(m)per vn(de) sine / borghen nene tosprake ok nene claghe Dit is gescheen vor den Ersame(n) / her(e)nn gerd lost bernd peghel Johan hoppenacken vn(de) pet(er) malchowe(n) / Borg(er)mestern vor der Schriuerije Anno etc(etera) xiiij Sabb(a)te an(e) Oculj /
L IIII
Drewes Vrese hefft vorlaten Thomas molt(e) den haken mit Hande vn(de) / mit mu(n)de vn(de) hefft em(e) gedancket vor vormu(n)derschopp vn(de) gude rekens/schopp , vn(de) beholt vurder nene mani(n)ghe off tosprake to dem(e) vorb(e)n(omede)n / Thomase Dit is gescheen vor den Ersamen her(e)n bernd peghell / gerd lost Johan Hoppenacken vnd(e) peter malchouwen borghermest(er)n / to der wismer vor der Schriuerije Anno etc(etera) Sabb(a)te an(e) Oculj /
LV
Dat is gededinghet vn(de) eyngedraghen twisschen dem Ersamen H(er) Peter / malchouwen Borg(er)mester(e) van wegh(e)n sines sanes Hinrick malchowe(n) / van der eynen , vn(de) hinrick smidt van der ander(e)n zide , van weghen / der slachtinghe vn(de) affhouwinghe des vorscreu(en) Hinr(ick) smed(es) dume / vn(de) allen ander(e)n vnwillen twisschen beiden parthen bescheen In aldus / daner wise , dat de obgnan(ten) her Peter van sines sanes vorghen(ant) dem(e) obgnan(ten) Hinr(ick) hefft gegeuen vor noghet vnd(e) betalt sostehalue m(a)r(k) / lub(esch) , Dar to schall her Peter geuen dem(e) obgnan(ten) Hinrick(e) in dreen / Sunte Michels dagen to etliker tid eyne(n) grawen wismersschen rock / hir mede schall sodan(e) vnwille ghentzliken wesen gesleten vn(de) vorlecht / vn(de) de obgnan(ten) Hinrick smid heft sine hant hir up gedan dem(e) vorg(enanten) / her Peter in dem(e) name(n) sines sanes vorg(e)nant vn(de) ok den beschedenen / hermen malchouwen vn(de) laurens knorreken , like stede offt Hinr(ick) malchow / Ieghenwordich tor stede wer(e) gewesen , vnde ene also vorlaten vor aller / mani(n)ghe vn(de) tosprake , also dat Hinrick smidt vurder nene tosaghe /