XLVIII

Her Erasmus Peter vnnd(e) Jacob broder(e) genomet de brincker hebben / apenbaer(e) togestaen vnnd(e) gestaen vnnd(e) bekanth , dat Clawes brincker / erer aller vader en heft vornoghet vnnd(e) betalt ere vthgespraken(e) guder(e) / vnde gelt van erer moder weghenn(e) Dar mede vorleten see eren vader / vn(de) ere vormu(n)der(e) mit hande vnde mit mu(n)de , vnde beheelden vurder to / erem(e) vader(e) vn(de) vormu(n)der(e)n nene sake claghe edder ansaghe Dith isz / gescheen In den iar(e)n vns(es) her(e)nn Dusent Veerhunderth In dem(e) dreevnd(e) / neghentighesten iar(e) In Sunte ffabiansz vnd(e) Sebastians daghe Vor / den Ersamen her(e)n Berndt Peghell vn(de) Gerd lost Borg(er)mester(e)n to / der wismer