LXXV

Helmich Wickendorpp vnde Peter haghen hebben sick vorenigheth / vmme de Erffguder(e) , de zee hebben entfanghen bynne(n) lubeke van den / Testamenta(r)ien Selighen wobbeken nalaten(e) wedewen Seligh(e)nn Gelt(er) hol=/torppsz Alszo dat de eyne to dem(e) ander(e)n vurder nene tosprake beholdeth / Cost vnde theringhe mede affgherekenth vn(de) allent dat dar ancleueth / Dit is ghededinghet In her Iohan hoppenacken huse Anno xciiij am(me) / Midweken vor vastelauende So de obgnan(ten) Her Iohan my hefft gebaden / In dith boͤck laten to schriuende /

LXXVI

Berndt Selanth vnnd(e) Clawes karouwe staen mit ener samende(n) hant / dem(e) Rade vnde der Stad mit alle eren guder(e)nn vor dat touorsicht an de(me) / Raet to lubeke vor Pauwel wulff Peter vnde Hinrick vn(de) Tilske nalaten(e) / husfrouwe Hermen leuerhi(n)nens broder(e)n vn(de) suster(en) Dit is gescheen In / den iar(e)n vns(es) her(e)nn miiiixciiij am(me) Mandaghe na Oculi ¹ vvor de(n) Ersame(n) / her(e)nn Bernd Peghel Gerd Lost Iohan hoppenacken vn(de) Pet(er) malchouwe(n) / Borgh(er)mester(e)nn /

LXXVII

Hinrick Bertze to Kambouw wonafftich hefft vor den her(e)n Borgh(er)/mester(e)nn nabeschreuen vpp(e) der lutken Schriuerije vorlaten vor sick vn(de) / sijne eruen den erffnamen vnde kinder(e)n Seligh(e)nn Hinrick langheiohansz / vnd(e) er(e) vormu(n)der(e) van aller tosprake , de hee vormeende tohebben(e) to der / stenyn(e)r male(n) , van des eghendo(m)mes haluen der suluen molen Ok van / wegh(e)nn en(en) schepell melsz , den hee vormeende Iarlikes in der sulue(n) malen / tohebbenn Vnde ok van weghen(e) enes beseghelden breuesz luden(de) vpp(e) xv / m(a)r(k) geld(es) Selighen Hans spete in voriar(e)n vorsetteth vnde de obgnan(ten) / Hinrick beholt vurder vor sick vn(de) sine erue(n) nene manu(n)ghe oft(e) tosprake / to den vorscreu(e)n Erffnamen oft(e) eren vormu(n)der(e)n van der vorscr(euen) male / melsz oft(e) breueshaluen , hijr vor hefft de werdighe her Iacob langheiohan / dem(e) vorscr(euen) Hinrick bertzen vornoghet vn(de) betalt vefftich gude m(a)r(k) dith / is ghescheen Vor den Ersamen her(e)n Peter malchouw Gerd lost vn(de) / Iohan hoppenacken Borg(er)mester(e)nn Anno etc(etera)xciiij In dem(e) auende vns(er) leuen / frouwen to lichtmisse ² Hijr bij an vnnd(e) auer vor tughe sint gewesen / de Ersame Her mathias grotecurd vn(de) H(er) H(er)men mo(n)nick Rathman(ne) / vnnd(e) de beschedenn(e) Hermen mallchow Ludolphus Slusewegghe Steffen / Haker Hinrick bumgharde vnnd(e) Hinr(ick) becker /