Mynen denst touor(e)n Erszam(en) leue(n) here(n) vnd(e) besunderghen gude frunde Alse iw wol / witlick is vn(de) dar ik nicht ane entuiuele dat Curdt Sperlingh vnde ik were(n) tor wismer / tom(e) ersten inder vasten vpper striuͮeryge vor iuwer erszam(en)heit van mynes mans / weghen hans bussen dede sunder myne(n) wille(n) my entaghen is vnde noch in iuwer stadt ys vnde dar don suluest iuwe borghere branth busse vor iuwer Erszam(en)heit / my lauede vor syne(n) broder hans bussen twisschen der tijdt vnde palmesondaghe / scholde my myn erue besetten myt ene(n) dede min vnde myne(n) bure(n) recht wer edder / syn broder hans busse scholde dar p(er)soneliken wedder vpp theen deme denne szo / bette her(e) tho noch nicht ghescheen is vnde ik iw er(e)mals desset sulue ock ghescreu(en) / hebbe Erszam(en) leue(n) her(e)n so is noch myne fru(n)tlike bede gy mochten iuw(er)en borgher / branth bussen vnder wijsen dat he my noch bynne(n) achtendaghen helde szo he / my lauet hefft vnde hynder vnde schaden Kost vnde teringhe wes ik daru(m)me / ghedaen hebbe mochte ock wedder gheue(n) leue(n) her(e)n hijr my willen ane tho / bewisende vordene ik gherne wor ik kan vnd(e) mach etc(etera) vnder myne(n) jnghesegell / am(e) jare etc(etera) xciiii /

Henneke Ranen /