XCIX /

Jochim burouwe hefft entfangh(e)nn van Hinrick houwer neghen / m(a)r(k) lub(esch) vor eyn(e) halue last weiten de hinrick gekofft hadde van / enem(e) genomet Schipper Jacobe to huesz mit hans hanike , Vnd(e) / Jochim heft vort dar gud vor gesecht vn(de) gelauet dem(e) obgnant(e)n / hinrike , dat de vorscreu(e)n Schipper Jacob vn(de) Clawes kremer vpp(e) / de obgnan(ten) neghen m(a)r(k) nicht schale(n) saken , des schal jochnn hinr(ick) / benemen Dit is gescheen vor den Ersamen her(e)n Gerd lost vn(de) / Johan hoppenacken Borg(er)mester(e)n Anno miiij xcv fe(r)ia qui(n)ta / an(e) pu(r)ifica(t)ion(is) mar(i)e /

C /

Hermen lubstorp to Gressow hefft vor sick vn(de) vor sinen broder / Drewesz to der lantkercken wonafftich gelauet vn(de) gesecht hans ha/neke , dar vor dat hee vn(de) de vorscreu(e)n sin broder to nenen tiden saken / willen offt(e) schalen ieghen den obgnan(ten) hans hanick , van wegh(e)nn / der souenvn(de)twintich m(a)r(k) de Jacob lubstorpp(e) vn(de) sin broder do her / leuede in bewaringhe gelecht hadden bij des vorscreu(en) hans hanekes / zelighen husfrouwen , wante de sulue hans sodann(e) xxvij m(a)r(k) mit / willen der obgnan(ten) broder(e) au(er)antwordet vn(de) to getellet hefft Tilsken / erer suster , Jurgen koppe heft hans hanike gelauet vor allen scha=/den Dit is gescheen vor den Ersamen her(e)n Gerd lost vn(de) Berndt / Peghell Borg(er)mester(e)n Anno MCCCC xcv am(e) Mandage na letare /

CI /

Dar is gededinghet vn(de) eynsgedraghen twisschen dorothee eeliken husz / frouwen Clawes snellen nu to Rostke wonaftich vulmechtich dorch / eren man gemaket vor dem(e) Ersamen Rade to Rostke , na vthwisinghe / vn(de) inholde des suluen Rad(es) machtbreue van der eynen vn(de) Tilsken / schalen van der ander(e)n zide , In aldusdaner wise , dat de vorscreu(e)n / Tilske hefft bevuwordet vn(de) bewillet , dat de obgnan(ten) dorothea mo=/ghe laten delghen vn(de) vthschriuen de schrift in der Stad boke , Alse / Clawes snellen zin hues steit togeschreuen beleghen in der Botz/straten bij her Johan bantzkouwen , vn(de) sodan(e) erue vn(de) hues enem(e) / ander(e)n laten wedder toschriuen De obgnan(ten) dorothea hefft / vor sick vn(de) eren man vorb(e)n(omet) gelauet , Isset dat zee in god vorsterueth / eer(e) de obgnan(ten) Tilske , dat tilsken vn(de) eren negesten erue(n) bynne(n) Rostke / schale wedderfar(e)nn allent wat recht is van eren nalaten(e)n guder(e)n / Dit is gescheen vor dem(e) Ersamen her(e)n Johan hoppenacken Bor/gh(er)mester(e) to der wismer In sinem(e) huse So hee zeede vor den ander(e)n / her(e)nn Borg(er)mester(e)n Anno m cccc xcv am(me) donredage vor Cantate ¹ / Vor tughe sint hijr bij gewesen de bescheden(e)n h(er)men haghedorn(e)n / hans Oue Vicke gherstemeng(e) vn(de) Clawes goltberch borgher(e) to / der wiszmer