CXXIIII ¹ /

Pauwel ribe hefft vorpandet sine veer morghen ackers beleghen bij dem(e) wisz=/berghe , Jacob berghe vor hundert vn(de) xxvij m(a)r(k) de hee em(e) berekend(e) gheld / plichtich vn(de) schuldich bekende to ziende So vele alse desse vorb(e)n(omede)n acker bauen / neghentich m(a)r(k) dar vor ingeschreuen bether is , de hur(en) van dessem(e) vorscreu(e)n / acker schal de vorb(e)n(omede) jacob vpbor(e)n vn(de) vifftehalue m(a)r(k) rente dar van vthrich/ten , vn(de) wes dar bauen is schal he beholden , vn(de) sodan(e)n schulden vorberur(e)t / affkorten , de vilgnan(te) Iacob mach ok bauen desse vorpandinghe , offte he hir mede / to sinem(e) nastanden ghelde nicht komen konde , des ergnan(ten) Pauwels guder(e) , wor / he de auerkomen(de) werth antasten , so langhe dat hee ghentzliken vul vn(de) al be=/talt isz Dit is gescheen to der wismer vor den Ersamen her(e)n Peter malchowe(n) / bernd peghel vnde Iohan hoppenacken Borg(er)mester(e)n Anno etc(etera) xcvj am(me) man/daghe na Remi(ni)sce(re) ² Vor tughe sint hir bij gewesen , de bescheden(e)n Titke wick / Clawes heyne vn(de) detmer sasse borger(e) to der wismer /

CXXV /

Dar is gededinghet vnnd(e) eynsgedraghen twisschen Gosschalk reder(e) van der eyne(n) / vn(de) Peter haneschen van etliker nastanden rente weghen(e) , de dem(e) ergnan(ten) Gosz/schalke vpp(e) Paschen dree m(a)r(k) to pinxten dree m(a)r(k) vn(de) to Sunte Michele / negestuolghen(de) souen m(a)r(k) vnbeuoten schall vornogh(e)n vn(de) betalen , Wer(e)t / Peter vorben(omed) aldusdan(e)n termyne vn(nde) betalinghe vorberur(e)t nicht en heelde / hefft hee vorwilkorth vnde bevulbordet dat Gosschalk offt(e) sine erue(n) den vor/berur(e)den acker vor sin gelt vn(de) nastanden rente moghe antasten vn(de) sick tho , / schriuen laten , sunder iemand(es) beweringhe , Dit is gescheen to der wismer vor / den Ersamen her(e)n Peter malchouwen vn(de) her Iohan hoppenacken Borg(er)=/mester(e)n Anno etc(etera) xcvj am(e) Sonauende vor Oculj ³