CLXVIII /

Hans lutkehenneke vn(de) hinr(ik) Ruͦneman borgher(e) tor wismer / hebbet gudgesecht vn(de) gelauet dem(e) Rade vn(de) der Stad mit / ener samenden hant vn(de) mit alle eren(en) gude(re)n vor alsodan(e)n / touo(r)sicht breff van wegh(e)n Nic(olaus) votes vn(de) Ilseben siner husfr(aw) / an den Ersamen Raet to hamborg gesant , der nalaten(en) guder(en) / halue(n) dorch seligh(e)n hinr(ik) Reijneke(n) nagelate(n) , dat de Raeth vn(de) / de Stad deshalue(n) daru(m)me nene mani(n)ghe oft(e) schad(e) v(m)me liden / schalen , vn(de) oft(e) des wes gescheghe , den wille(n) see en ghentzlik(e)n / beneme(n) , de vorb(e)n(annte) Nic(olaus) voth heft den gnant(en) borgh(er)n gudt / gesecht vor alle(n) schad(e) , vn(de) alle sine guder(e) bewechlick vnnd(e) / vnbewechlik dar vor gesettet vn(de) vn(de) vorpandet Dit is geschen / vor den(e) Ersame(n) he(re)n gerd lost Bernd pegel Borg(er)mester(e) tor / wismer Anno etc(etera) xcviij Am(e) Sonauende vor Cantate /