CCXI /

Dar is gededinghet vn(de) eijnsgedraghen twissch(e)n dem(e) bescheiden(en) herme(n) / Stiten(e) eijnsz , vn(de) Clawes bockholte , etlikes wandeshalue(n) dat Nic(olaus) h(er)me(n) / aff gekoft hadde andersdels In aldusdaner wise , dat Clawes vor alsodan(en) / want h(er)men xviij rinssche gulden(e) vnbewore(n) to dren t(er)mijne(n) schal vornog(e)nn / vn(de) betalen alse to Pinxste(n) neghestkomen(e)n vj guld(en) Michelis dar na / vj guld(en) vn(de) vpp(e) vastelauenth den(e)n neghest volghen(e)n de lateste(n) vj guld(en) / vn(de) dat aldusdan(e) betalinge vn(de) t(er)myne schale(n) beschen vn(de) geholden / werden , dar hebb(e)nn vor gudtgesecht vn(de) gelaueth mit ener samend(en) / hant de bescheden(e)n hinr(ik) grotecurdt Anuold(us) sluntz vn(de) Thomasz speck / dat Clawes H(er)men ergnant(e) alsodan(en) xviij rinssche g(ulden) vp de vorscr(euenen) t(er)mine / vnbewore(n) schale gheue(n) vn(de) vornogh(e)n , vurder hefft to der sulue(n) tid Nic(olaus) / den gnant(en) borgher vor schade(n) gesettet vn(de) vorpandet alle sine guder(e) / bewechlick vn(de) vnbewechlick , vn(de) oft(e) se sodan(e) lostehalue(n) Ienigh(e)n schad(e) / oft(e) vncoft donde edder lidende wurden , de(n) wil he en genstlik(e)n vprichte(n) / vn(de) beneme(n) , dit is geschen In den iar(e)n vns(es) her(e)n in viffhunderth / am(e) ersten Sonaue(n)de in der vasten(e) vor den Ersame(n) her(e)n Brant / Smid Bernd pegel Gerd lost vn(de) Johan hoppenacke(n) Borg(er)mester(e)n tor wism(er)