Reymer giseke hefft vorcofft vn(de) vorlaten Clawes Wulff dem(e) / Ratmann(e) twe marck jarliker Renthe In vn(de) vth synem(e) / hoppenhoue belegen vp dem(e) bollerdes beke vor xxv / lub(esche) m(a)rc wedder tokopende vppe alle fest Martini tobe/taͤlende besundergen wen desse vorben(ante) Reymer giseke / denket wedder kop todonde so scal he effte syne erue(n) / dem(e) vorben(omden) Clawes Wulue effte syne(n) erue(n) en halff / jar(e) to vorne to seggen vn(de) de(n)ne den houet stol / mit der nastonde Renthe tor negeste(n) tid tobetale(n)de