myt twelf schoͤnrogghe(n) . vn(de) sende(n) de yn / de kerke(n) wan me singhet agnus dei / wan de(n)ne de homisse uthe is . so schal / unse deken holde(n) co(m)mendacien myt / de(n) prestere(n) . Wan de co(m)endacien uthe / is . so scal me synghe(n) dat respo(n)soriu(m) / Accessit ad pedes thu So schal de deke(n) / ene dwelen schorte(n) u(m)me syne lenden / vn(de) wasche(n) twelf arme(n) scholren ere / uote un(de) de kussen . Vn(de) den sulue(n) arme(n) / scholre(n) . scalme gheue(n) de twelf stucke / ulesches un(de) twelf schonrogge(n) yn de ere / ghodes . Dar na schal unse koster gheue(n) / bij penni(n)gen ueer schilli(n)ge mank de(n) an=/dere(n) armen scholren un(de) de arme(n) lude / de de nycht ghespiset sint /

To der andere(n) tijd scolen de brodere to / samende kome(n) des achte(n)dages na bre=//de mandage .Vn(de) scole(n) de tyde beghaen / erlike(n) . De uesper de(n)ne ua(n) unser leue(n) / urowe(n) assu(m)pco(n)is . un(de) nachtsangh . un(de) / lange uiligen . Vn(de) des dingesdages . met/tene to singhe(n)de . un(de) zelemisse(n) uor su(n)te / Marg(a)rete(n) unsem(e) altare . un(de) unse boldik / sprede(n) also hir uorschreue(n) is . Dar na / schal de deken homisse(n) singhe(n) ua(n) un=/ser leue(n) urouwe(n) assu(m)pco(n)is . myt aller / erlicheyd to beghande also hir uor/schreue(n) steit . de kerke(n) to tzirende un(de) / de(n) orghele(n) to singhe(n)de un(de) to ludende / scal unse koster vorstan yn desse(n) twen / tiden . Ok scalme(n) to desse(n) uorschreue(n) / twen homissen ghan u(m)me hof uor der / homisse(n) myt dem(e) hilge(n) licha(m)me . Vn(de) / dat boldijk dar boue(n) . scole(n) de ueer / yungeste(n) unser leigbrodere an ere(n) beste(n) / rocken dreghe(n) bij twen schillinghen . //