desse uorschreue(n) denere ethen . Vn(de) de dar ne=/ghest . voer synt prestere efte leyen scole(n) na / dem(e) Gratias schenke(n) bij erem(e) broke /

Des andere(n) daghes schole(n) de here(n) un(de) bro=/dere twye tosame(n)de eten . des myddages schalme en gheue(n) gude grope(n)brade un(de) / schape(n)ulech yn grote(n) stucke(n) . Vn(de) twe ande=/re gude ulesch richte . en ghesoden un(de) en / ghebrade(n) . Sunder euerulech un(de) braden(e) / honre . Vn(de) alle spise de de(n)ne kumpt up / de tafelen der here(n) un(de) brodere . wes se ouer / laten . schal up de almisse(n) . nicht ua(n) der / tafele(n) to neme(n)de . ane kese un(de) bottere(n) / un(de) alle hele brod . Des auendes scalme / gheue(n) twen en gut uat mit grope(n)brade . / Vn(de) en gud richte bergher uisches . efte ro/scher myt bottere(n) . also des erste(n) aue(n)des . Vn(de) dar na twen en gud braden(e) . hon . un(de) ke//se . koken un(de) bottere(n) . also uorschreue(n) is /

Des middages scal de deken legghe(n) al/misse(n) . Vn(de) de mach hebbe(n) der here(n) scholer / De andere(n) almisse(n) uan der here(n) tafele(n) . sco/le(n) hebbe(n) de arme(n) scholre . Vn(de) to de(n) almis/sen . de me(n) scal gheue(n) de(n) arme(n) scholere(n) . / scole(n) so uele uate stan up der here(n) tafele(n) / also vp der leyen tafele(n) . vn(de) de schal me(n) en / to male gheue(n) /

En yewelik broder scal houesch wesen / mit synem(e) brodere an dertafele(n) . vn(de) na / dem(e) Gratias efte uoͤr nemende to lyken / drunke(n) to nowende . edder mer wen sin / wille do danke(n)de is . bij sineme broke /

Ok sint vnse brodere des ouer en gewor/de(n) also dat welke(n) twen . den de kaland / uort to dene(n)de . den scalme ua(n) des ka//[andes]