To wetende sy allen brodere(n) geyst/lyck vn(de) wertlick desser broderscop / des prester kalandes . Dat de werdige / here Enwaldus louenbroder zeliger / dechte(n)misse don he leuede Dompra/west to Sleswick vn(de) decanus desses / kalandes heft in sineme testame(n)te / myldige(n) gheue(n) Vifhu(n)dert marck houet/summen to ener ewigen Comme(n)/den To funderende in der Capelle(n) / des hilligen cruces , by deme torne / der kerspelkercke(n) Sancti Nicolai // bynne(n) dem(e) Kyle . welckere vL m(a)r(c) / scolen angelecht syn . dorch syne / Testame(n)tarien Jarlike rente yn / to bringende To desser sulue(n) Come(n)de(n) / heft de zeliger here . E . etlike psone(n) ¹ / myt eren name(n) . yn synem(e) testame(n)te / in erste bositteres vortekent Jodoch / zelige(n) . dodes halue(n) . afgegaen . got zy en / alle gnedich . vnde barmetich . ame(n) /

Furder heft de er(e)gedachte here E. / syne(n) Testame(n)tarien allen . dat / dar eyn va(n) en . in deme leue(n)de is . / de macht geue(n) yn synem(e) testame(n)te . / dat de moge(n) ene(n) frame(n) erlike(n) vor=/nuftige(n) man to enem(e) bosittere desser / Co(m)menden Vorantwerde(n) . in psone(n)¹ / ofte myt ere(n) scrifte(n) . den broderen / des prestere kalandes . geystlygk //

Vnde wertlick . In sampt endrechtige(n) / tom(e) kyle . Den sulue(n) scolen presentere(n) / vn(de) vorantwerden Deme Erwerdigeste(n) / In god here(n) , vnde vadere , heren . Nartze / bisscope to Breme(n) , ofte deme werdigen / heren . synem(e) officiale . vppe desse side der / elue(n) . to entfangende van en . de Institucien / vnde inveltinge desser sulue(n) Comenden / vnde so in de(n) rowesame bosittinge kame(n) /

Oaerst na dode der Testamentarien / dess(en) ergna(n)t(en) here(n) . E. So scole(n) hebbe(n) / vnde rowesam beholden vnde bruke(n) / to ewighe(n) . vn(de) allen tokamene(n) tyden . de / brodere des prestere kalandes tom(e) kile / der Presentacien vnde der lenware / In endrechtiger vorsammelinge / Capittels wile . Vorlenen . dorg godt / eneme armen prester . dede eyn broder / is desser broderscop . des prestere kalande(s) //

Vnde anders neen leen en hefft vnde / dar by . tosittende rowelike(n) . vnde alle / weken(e) . we(n)nere eme god de gnade gift . / dre missen to lesende . na der homisse(n) / dede de Cappellane holden . vnder der / metten . flitigen to biddende vor de zele / des gedachten here(n) enwaldt Siner / zeligen oldere(n) vn(de) woldedere(n) dat en alle / god gnedich sy Vnde schal bruken / des kelickes . myssebokes vnde alle / andere clenade . to deme sulue(n) altare / In der besten . formen . vnde wise , / to deme loue vnde denste gades ame(n) /

Ock in vormeringhe guder wercke / heft ock de zeliger here Enwaldus / gegeue(n) . drehundert rynsche gulden / hoüetstoles , an to leggende vppe iar=/like rente De vorstendere des kalan=/des twe geystlike vn(de) twe wertlike / de scolen in deme kalande na Mich=/aelis alle iar cleden vnde schoẏen // Twelf arme lude . soͤs man(e) vn(de) . soͤs . / fruwen ene(n) isliken eyne(n) negeden / reden rock . den mannes ene(n) grawe(n) / vnde den fruwen enen witten vn(de) / malck eyn(e) par scho , /

Uan dessen iarliken rente(n) scolen / de vorstendere tor tid . kope(n) twee / wismersche grawe laken . vn(de) eyn / wyt . van deme ene(n) grawe(n) de soͤs / ma(n)ne rocke vn(de) van deme witten / de soͤs fruwe(n) rocke . Vnde dat ander / grawe laken to delende dede² den arme(n) / scoleren . de denne yegenwardich synt / to kore vn(de) framer handelinge , /

Desse gaue vn(de) dedinge schal schen / in desser nagescreue(n) wise We(n)ner(e) / De werdige here decanüs desses prester / kalandes . de homysse vth gesüngen / heft . vnde de voͤt wasschinge myt den / almissen den scolere(n) gegeue(n) synt . de(n)ne / strax dar na . vor deme chore . scolen / Jegenwardich stan . vnde to der stede // personlich syn de arme(n) Lude De ma(n)ne / vor su(n)te iacobes altare . yn der banck / vnde de frawen vor vnser leue(n) fra=/wen altare . ock yn der banck vnde scole(n) / sander dranck otmodigen entfangen / deme so gescheͤn is denne dat drudde / laken to delende den armeste(n) scolere(n) / de des notroftigen behoff hebbe(n) , vmme / der zelen salicheit willen deserg(e)na(n)t(en) / here(n) enwaldt . siner olderen .vn(de) wol=/dedere(n) , So to ewige(n) tiden to holdende , ame(n)