Hinri(k) samson heft vor koft vnde redeliken vppe laten / sin erue dat beleẏghen is inder Borghstraten mid aller / rechttichgheycht mid aller vrygheycht also dat an sik / beleyeghen is in alle sinen ennen Men Hinr(ik) samson / de beholt andeme suluen erue sesticht mark lubisch / dar me tuͦ lubeke vnde tuͦ Hamborgh mede vol duͦn / magh vor veer mark rentte enes vt tuͦ gheue(n)de enes / iheweliken paschens vnde willigh Richt dat albern / wyl so magh he de mark gheldes vt losen vor vefteẏngh / mark¹

Hinr(ik) samson de heft vor koft vnde redeliken vppe laten / sin erue dat beleẏghen is inder Borghstraten albert deme / smede mid aller rechttichtgheycht mid aller vrygheycht / alse dat an sik beleẏghen is in alle sinen ennen² Men hinri(k) / samson de beholt andeme suluen erue sesticht mark lubisc(her) / suluer pe(n)ninghe dar me tuͦ lubeke vnde tuͦ Hamborgh vol / mede duͦn mach vor veer mark rentte alle jare vt tuͦ / gheuende tuͦ paschen vnde willich ticht dat albern wyl / so magh he de mark gheldes losen vor vefteyngh mark / pe(n)ninghe also daninghes gheldes also hir vore screue(n) steyght / Desse vore screuen sesticht mark vnde veer mark / rentte de hebbe ik Hinr(ik) samson vore koft , Detlef / theden vnde ty(m)men Meyghtte also ik se vore hebbe hat / an desseme vore screuen erue mid alleme rechtte eme / iheweliken de Drutticht mark vnde twe mark rentte / de twe mark rente de moẏte hedde dar jnne de heft detlef scheneveld / vthe loset³