Dat erue dat hort hadde Johan vetten inder kedingstraten / dat hort nv tuͦ Johan vlintbeken dat ghaf he eme mid siner / dochtter mid aller rechttichtgheycht mid aller vrygheycht also / dat an sik beleyghen is in alle sinen ennen Men her Johan / hertze en Ratmans de heft andeme suluen erue Drutticht / mark lubischer suluer pe(n)ninghe dar men eme schal gheuen vore / alle iare tuͦ suntte Michael(is) daghe Dre mark rentte lubischer / pe(n)ninghe vnde we vandeme anderen wyl de schal deme an=/dern en half jar tuͦ voren tuͦ zegghen vnde magh de vore scre=/uen rentte losen vor dessen vore screuen su(m)men des gheldes /¹

[lateinischer Text]

De water ghangh sines erues Ralef dunen de schal ghaen / vrygh vnde vmbewoeren su(n)der by sprake øver Hinr(ik) pirle=/puten erue /¹

Dat erue dat by Ralef dunen beleyen is inder borgh/straten de druppen vosz² vandeme stalle de schal ghan / vrygh over Hinr(ik) pirleputen erue /

De druppen val van Ralef dunen stalle inder borgh/straten de schal vallen vnde ghaen vrygh over Hinr(ik) / pirleputen erue /