milcmm et lxxviij

Claus kale de heft vorpandet sine bode(n) de beleẏghen / sint in der kuderstraten Detlef Zalsowen vor teÿngh / mark lubischer suluer pe(n)ninghe dar he alle iare tuͦ rentte / schal vore gheuen tuͦ paschen ene mark lubisch men byn(n)e(n)¹ tuͦ twen / iaren so schal vnser en deme anderen nicht tuͦ zegghen me(n) / dar na we vandeme anderen wyl de magh deme anderen / en jar tuͦ vore tuͦ zegghen vnde magh losen desse vore screuen / rentte vor dessen vore screue(n) su(m)men des vore screue(n) gheldes / vnde Claus kale louet vol tuͦ . tuͦ du(n)de² vor alle brake /³

grote storm . de heft vor pandet sin erue dat beleyghen is inder flemesschen scraten⁴ Johan vische tuͦ truwer . hant⁵ van her Joha(n) bremers weghene vnde sines / swaghers Johan van røden vor achtteyngh mark lubischer . / suluer pe(n)ninghe dar he schal vore gheue alle jare tuͦ rentte / tuͦ wynachtten ver vnde twintticht schillinghe gheldes vnde / we vandeme anderen wyl de magh deme anderen tuͦ / zegghen en verdendel iares vnde magh losen desse vore / screuen rentte vor dessen vore screuen su(m)men des gheldes / ³

lxxviij

Johan Rekelinghusen en Ratman de heft vor pandet / sin erue dar he innewonit mid alle siner vare haue / vnde dar tuͦ dat erue dar by eme dar he(n)neke berngher / inne wonit vnde dar tuͦ sin erue inder Kedinghstraten / be leyghen is Detlef grẏpe eme Ratma(n)ne vor twe / hu(n)dert mark lubisch ver mark mẏn vppe nv tuͦ wy=/nachtten negest tuͦ kame(n)de sint vnde were dat he eme / dit vore screuen ghelt nicht wedder gheue tuͦ der ticht / also hir vore screuen is so schullen desse vore screue(n) erue / mitter varener haue detleues koste kop wesen / ³