lxxviij

Henneke ghysekensone de heft vorpa(n)det sin erue inder / kuterstraten dat her Diderich stralendorppe tuͦ hort hadde / ane dat de kalanderes broder dar ane hebben vnde de / hyligheghest wes dat beter is dat vor pande ik Hinr(ik) / Hertzen vnde tuͦ siner truwen hant ty(m)men syden eme . / Ratma(n)ne vor Drutticht mark lubischer suluer pe(n)ninghe / vppe lichtmiss(en) vort over eme iare vnde we vandeme / anderen wyl de magh deme anderen en half jar tuͦ vore tuͦ / zegghen¹ vnde dit vore screuen erue dat hebbe ik eme vor / pa(n)det vor en ver volghet pant vnde wes dar brake ane / wert dar loue ik mid mÿneme wife vol tuͦ . tuͦ du(n)ne vor / alle brak / ²

Dat halue erue dat be leyghen is inder vlemesschen / straten dat Marquart muͦnt mede gheuen wart mid / sime wẏue dar hinr(ik) scherer innre³ wonit dat vor / pandet Marquart mu(n)t Hinr(ik) scherere vor teẏngh / mark lubischer pe(n)ninghe dar he schal vore gheue(n) alle / jare tuͦ wẏnachtten ene mark tuͦ rentte vnde we van / deme anderen wyl de magh deme anderen tuͦ zegghen / en half iar vnde magh desse vore screuen rentte losen / vor dessen vore screuen su(m)men des gheldes /

De wruͦt de beleẏghen is theghen dat kuterhus by den bode(n) / de Otte ene(n)dorppe tuͦ hort hadden de Olen Reymer deme / knokenhower tuͦ hørde de wruͦt de hørt nv tuͦ Herme(n) ghar/brader mid aller rechttichtgheẏcht mid aller vriggheycht / also he vnde sine voruaren se aller vryghest hat hebben / mid alle eren enden also se an sik beleyghen is