lxxviijo

Dat erue dat be leyghen is inder Bruͦgghestraten dat tuͦ / hort hadde Claus haluepleghe dat hort nv tuͦ Cẏfart Buller / vnde heft van Her Hinrike sime sone koft sin deel des eme / an vellich was vnde is sin mid aller rechttigheycht mid aller / vrẏgheycht also dat an sik beleyen is vnde sin vor varen dat / aller vrẏghest be seten heft vnde is endet vn(de) le(n)det van / her hinrike sime sone ok so schal dat water dat kumpt van / desseme vore screuen erue dat schal lope(n) vrẏgh vnde vmbeworren / dor en kopperblat over Joha(n) visches erue . /

Peter van stade de heft ghe koft teẏngh mark gheldes inden / eruen de beleyghen sint inder Brugghestraten dar Hinr(ik) Swar¹ / van Hinr(ik) Swartebeken sone vnde van Claus stubben vnde / sint de erue dar Hinr(ik) inne wonit vnde Luder blekendorp / vor hu(n)dert mark witter lubischer suluer pe(n)ninghe also en ihe=/welikeme erue vefticht mark dar men van den ihweliken . / vefticht marken vte iheweliken eruen schal vt gheuen nv tuͦ suntte / Michaeles daghe vif mark vnde dar na tuͦ paschen vif mark / gheldes vnde louen vol tuͦ , tuͦ du(n)de vor alle brake ofte dar / brake ane worde Ok so moghen desse vore screue(n) hinr(ik) vnde / Claus desse vore screuen teyngh mark gheldes wedder losen / van peter van stade vnde van sinen eruen wan se willen vor / dessen vore screue(n) su(m)men des ghelles² also hu(n)dert , mark men / desse vore screuen erue da³ de staen mid ener sameden hant ,

were dat pet(er) de vorscreue(n) rente tho Rechter tẏd nicht werde als hir vorscreuen / is . so scole(n) desse vorscreue(n) beyde erue vor volghet wesen myd alleme rechte ⁴

De bøde de be leyghen is inder kedinghstraten bẏ volquens huse / de Claus Halueploghe tuͦ hort hadde de hort nv tuͦ Cyfart Buller / mid aller vrygheycht mid aller rechttichtgheycht also se an sik be=/leẏghen is an alle eren enden vnde also sin vor varen de aller / vrẏghest hat vnde be seten heft ,