lxxviij

Dat erue dat be leyghen is inder flemisschen straten dat olden / Brande tuͦ hort hadde dat hort nv tuͦ half Hinr(ik) Scherer vnde / heft dat ghe nomen mid sineme wẏue vnde is sin mid aller / rechttichtgheẏcht mid aller vrẏgheycht also dat an sik beleyghen / is in alle sinen enden also sin vore varen dat aller vrighest / hat vnde be seten heft /

De twe vnde twintticht mark lubisch also ghangh vnde / gheue is dede tẏdeke Rekelinghus(en) hadde in Ty(m)me Kroghers / huse dar me(n) alle jare van ghaf tuͦ rentte tuͦ paschen twe / mark De heft vort tẏdeke vor pandet Detlef zalsowen / indeme suluen erue vndeis ¹ indesseme ersten iare also bette / nv tuͦ paschen so schal erer en deme anderen nicht tuͦ zegghe(n) / men dar na we vandeme anderen wyl de schal deme andern / tuͦ zegghen en half jar vnde magh losen desse vore screuen / rentte vor dessen vore screue(n) su(m)men des gheldes vnde is dat / negeste ghelt negest bliuue Cylen /

Hertze van ploͦne de heft vor koft sin erue dat be=/leẏen is inder kedingstraten Hinr(ik) vandeme Haghene / vnde heft eme dat redeliken vnde rechtliken vppe late(n) / mid aller rechttichgheyt mid aller vrigheyt also dat / be leẏen is in alle sinen enden vnde he vnde sin vore / varen dat aller vrigghest hat vnde be seten hebben .