Her Nẏcola(us) Rike en Ratman de heft vor pandet sine ort / Bøden de beleẏghen sint vppe der densschen straten orde vnde / der hertstraten orde Johan Rekelinghusen vnde mester welim / tuͦ truwer hant van eres kindes weghene dar se vor nu(m)mer / tuͦ sint vor twe punt vnde sesticht mark lubisch also tuͦ / lub(eck) vnde tuͦ hamborgh ghangh vnde gheue sint dar men , / alle jare tuͦ wẏnachtten schal vore gheuen tuͦ rentte vyf mark / wo dat vm(m)e dat tuͦ zegghent is dat vinnet se wol vnder / sik also Claus Rike vnde Johan Rekelinghusen /¹

Kote de heft vor koft sin dwere hus dat be leyen is / byden planken twisschen deme Schomaker døre vnde der / papenstraten vnde heft dit vor koft vnde redeliken vppe / laten witbolte van asschense mid aller rechttichtgheycht / mid aller vrẏgheycht also dat an sik be leyen is in alle sine(n) / ende vnde he vnde sin vor varen dat aller vryghest / be seten hebben vnde heft /

Vicke van zalsowe de² heft vor koft sin erue dat be leygen / is inder vlemesschen straten Reẏmer Omes wẏfe vnde / heft dat vor koft vnde redeliken vppe laten mid aller recht=/tigheyt mid aller vrẏgheyt also dat an sik beleẏen is vnde / he vnde sin vor varen dat aller vrẏghest hat vnde be seten / heft vnde hebben