lxxviij

Hinrich duͦker de heft vor pa(n)det sin erue dat be leyen / is inder brughestraten Reymer Redepe(n)ninghe vor teẏn / [...¹ ] mark pe(n)ninghe also nv tuͦ me kyle ghangh / vnde gheue sint inder ticht tuͦ su(n)tte Jacobes daghe dar / he alle jare tuͦ pingesten schal vore gheuen tuͦ rentte ene / [...¹ ] mark pe(n)ninghe in also danigheme ghelde also hir / vore screuen is vnde we vandeme anderen wyl de schal / deme anderen en half jar tuͦ vore tuͦ zegghen vnde / magh losen desse vore screuen rentte vor dessen vore scre/uen su(m)men des ghelde ²

Dat erue dat be leyen is inder schomaker straten by red/dighes huse dat ghotsik Crusendorppe tuͦ hort dat hort nv / half tuͦ ty(m)men wersebeken vnde is ene ane eruet van / sines wẏues møder weghene vnde is sin half mid aller / rechttigheyt mid aller vrygheycht also dat an sik beleyen / is in alle sinen enden vnde dit sulue halfe³ erue is Curde / Swartebekensone tuͦ truwer hant ghe screuen van ty(m)men / weghene der staet vol tuͦ du(n)de /

Dat erue dat marq(uar)t westeden tuͦ hort hadde dat theghen / den vlesscharen be leyen is dat nv tuͦ hort Curde Swar=/tebeken sone dat sulue erue dat heft Curt vor pandet / Johan hertzen eme ratma(n)ne vor vefticht mark witter / lubischer suluer pe(n)ninghe vor en ver volghet pant vppe / suntte Mertens daghe nv neghest tuͦ kome(n)de is . .²