Curt vande Cena de heft settet tuͦ ener vorwarin=/[ge]1 sin erue vnde de buͦden de beleyen sint inder Kuter=/straten neddene vppe deme orde Tẏdema(n) houe(n)dorppe / eme borghermester vnde Reymer teynghmarke vor / vif vnde twintticht mark lubischer suluer 2 pe(n)ninghe dar se heb=/ben louet vor ene also hinr(ik) grype van nyghemu(n)stere / vnde ofte im brake worde an desseme erue vnde boͮden / so schal ik se nemen van alleme schaden . / 3
Make wold de heft vor pandet sin erue dat beleyen / is inder fuͦlstraten detlef zalsowen vor teyngh mark / lubischer suluer pe(n)ninghe dar he vore gheuen schal tuͦ rentte / alle jare tuͦ suntte Jacobes daghe ene mark rentte vn(de) / we vandeme anderen wyl de schal deme anderen tuͦ zeg=/ghen en verdendeel jares vnde magh losen desse vore scre=/uen re(n)tte vor dessen vore screue(n) su(m)men des gheldes vn(de)3 / make wold louet vol tuͦ . tuͦ du(n)de vor alle brake vn(de) / de mark . Rente . de . hef wold lose(n)t vn(de) heft dat gheld / gheue(n) detlef salsouwen . . vn(de) de sulue make wold . heft in deme 4 / sulue(n) erue ene mark gheldes . vor teẏn mark vp to su(n)te Jacobe / dach vth to gheuene beyde rente vn(de) gheld5
Dat erue dat be leyen is byden planken dat hinr(ik) / van heruerde vor koft hadde tẏdeke Nẏghedorp dat erue / heft tẏdeke Nẏghedorp wedder vor koft Hinr(ik) van her=/uerde vnde heft eme6 redeliken vppe laten mid aller vrẏ/heycht mid aller rechttigheycht also he dat erue vore / van emekoft hadde vnde also dat ansik be leẏen is / in alle sinen enden
| 1 | Verschreibung [ge] vom Schreiber vergessen |
| 2 | suluer zwischen lubischer und peninghe über der Zeile eingefügt |
| 3 | Abschnitt im Original durchgestrichen |
| 4 | Text zwischen gheue(n) detlef bis heft in deme nachträglich eingefügt |
| 5 | Text zwischen sulue(n) erue ... bis ... an am Seitenende eingefügt |
| 6 | eme zwischen heft und redeliken eingefügt |