lxxix

Her Cuͦrt vander Cena en borghermester de heft / vor pandet sin [....]¹ erue dat be / leyen is theghen deme markede by her nẏcola(us) Riken / huse , Neygheles Kinderen vor vefticht mark lubischer / pe(n)ninghe dar he schal vore gheuen tuͦ rentte(n) alle Jare / nv tuͦ paschen kuͦmpt vort over eme Jare vyf mark / rentte men nv tuͦ paschen nv neghest tuͦ kome(n)de is / so schal he dar nene rentte vore gheuen me(n) dar na / alle Jare tuͦ paschen so schal he dar vore gheue(n) / desse vore screuen rentte me(n) nv tuͦ paschen vort over / twen Jaren so schal erer en deme anderen nicht tuͦ zegghe(n) / men dar na we vandeme anderen wyl de schal deme / anderen tuͦ zegghen en half Jar vnde magh losen dese / vore screuen rentte vor dessen vore screuen(er) su(m)men des / gheldes me(n) dat steyght tuͦ her Curde wor he dat er / losen kan dat magh he duͦn²

lxxix /

Her Nycola(us) Rike en Ratman de heft vor pandet / sin erue vppe deme orde by eme der smedestrate(n) / orde theghen deme markede Her Joha(n) Rotisschen / eme Ratma(n)ne vor hu(n)dert mark lubischer suluer / pe(n)ninghe dar he alle Jare tuͦ suntte mertens daghe / schal vore gheue(n) teyngh mark lubisch tuͦ rentte / men nv tuͦ paschen so steyght de rentte erst an / men dat steyght tuͦ her nẏcola(us) Riken wan he / desse vor screuen rentte loͦsen wil vor dessen vore / screuen su(m)men des gheldes²