Claus Rodenborgh de heft vor pandet sin halue erue vn(de) / nicht siner suͦster dat be leyen is inder kuter straten Detlef / zalsowen vor teẏngh mark also tuͦ me kyle ghangh vnde / gheue is dar he schal vore gheuen alle Jare tuͦ rentte tuͦ licht=/missen ene mark rentte vn(de) we vandeme anderen wyl de / schal deme anderen tuͦ voren tuͦ zegghen en half Jar vnde / magh losen desse vore screuen rentte vor dessen vore screue(n) / su(m)men des gheldes dar louet Claus vol tuͦ vor alle brake / vortm(er) clau(s) Rodenborgh vn(de) olde Rode(n)borgh vn(de) sarnekouwe de hebbe(n) detleue / salsouwe(n) ssocht vor dem Rade .. dat Rode(n)berghes erue eme steẏt vor en / vor volget pand nuͦ to suntte wẏnachten . dat(um) anno d(o)m(ini) mo ccc / lxxx se(cun)do Juvi nat(ivitas) mar(iae) v(ir)gi(nis) ¹

Otte enendorp de heft vor koft vnde redeliken vppe / laten sinen haluen stoue(n) de beleyen is inder kuͦterstraten / Hans bastouer(e) vor Druͦtticht mark also tuͦ me Kyle / ghangh vn(de) gheue is alle Jare vt tuͦ gheue(n)de enes ihe=/welikes Jares teẏngh mark vandessen Druͦtticht / marken dar schaͤl men de ersten teẏngh mark nv tuͦ / paschen nicht vt gheue(n) men dar na twisschen den / neghesten paschen so schal he alle Jare dar van vt/gheue(n) teyngh mark bette de ersten pe(n)ninghe mid den / lesten betalet sint vn(de) is sin mid aller vriggheẏt / vn(de) mid aller rechttichtgheyt alse he vn(de) sin vor vare(n) / den aller vrygghest haet vn(de) be zeten hebben ²