lxxix

Otto Bostede de heft vor koft sinen haluen stoue(n) debe=/leyen is inder kuterstraten Hans vastouer mid aller recht=/tichtgheyt mid aller vrygheyt also he an sik be leyen is / vn(de) also he vn(de) sin vor varen den aller vryghest be zeten / hebben Men Otto bostede de be holt andesseme vore screue(n) / halue(n) stoue(n) Druͦtticht mark also tuͦ me kyle ghangh vn(de) / gheue is dar men alle jare vore schal gheue(n) tuͦ rentte / tuͦ paschen twe puͦnt men byn dessen ersten Ses iaren / so schal erer en deme anderen nicht tuͦ vore tuͦ zegghen / men dar na we vandeme anderen wyl de magh deme / anderen en half Jar tuͦ voren tuͦ zeghen vn(de) magh losen / dessen vore screue(n) rentte vor dessen vore screue(n) su(m)men des / gheldes

Dat erue dat Cla(wes) vẏsch . in der vlemeschen strate(n) . heft / dat he mẏd sẏneme wẏue nam . dat heft he vor pandet eneme / borghere . van Lubeke . de heet Joh(an)es . wy ¹ , wichmershaghen . / vor . twe vn(de) sostich . marke(n) . we(re) . dat . cla(wes) . dat nicht losede . nuͦ / tho pẏngsten . so scolde dat erue . . des vorben(omeden) . Hanneses / vor . volghede pand . wesen . .²