Ik tydeke rekelyngheshusen . mu(n)tmester tø dem kẏle . byken(n)e openbare . vor alden . ghene(n) de dessen Jeghe(n)war/dighen opene(n) bref seen . vn(de) høre(n) lesen . dat ik myd . wol byradene muͦde . a(n)namet vn(de) . entfanghen . hebbe . der / here(n) mu(n)te also des rades tø deme kÿle bette tø des sondaghes tø vastelauene . de nuͦ neghest tø komede is / also eyn keẏser recht . vn(de) eẏn mu(n)ter recht is . Jndesser wẏs also hir na screue(n) steẏt . Dat grote gheld de / weghene mark scal holde(n) im wẏchte . vere mark vere scillẏnghe mẏn . vn(de) twe wẏtte penynghe vnthø=/varne . vn(de) in styckene des suluers druͦtteynehalf løød . na lubescheme tekene . vn(de) eyn quentyn / vnthovarne . vn(de) dat Lutteke klene gheld dat scal holde(n) in wychte de weghene mark . dre . mark / drẏer scillinghe mẏn . vn(de) vere klene pe(n)nẏnghe vnthovarne . vn(de) de weghene mark . de scal holden / in suluer achte løød na Lubescheme tekene vn(de) eyn half quentyn vnthøvarne Desse vor varẏnghe / de . scole(n) . de mu(n)theren vor varen . vp myneme mu(n)testøcke . we(re) ok ift ik in desser vorscreuene vor=/varynghe . vnrechte . vu(n)den worde . so scal ik myn recht dar vm(m)e . stan . vn(de) . byken(n)e vort dat ik vn(de) / myne rechten erfname(n) gheue(n) scole(n) . vn(de) wyllen den vorbenomede(n) he(re)n also dem rade twyntich mark / kylescher mu(n)te vn(de) pe(n)nẏnghe . vor de vorscreuene . ere mu(n)te tho vastelauene nuͮ neghest tho komende / Is vnbẏwørren Tho groterer bytuͦgnesse . vn(de) bywẏsinghe desser vorscreuene stuͮcke so Is myn Inghe=/seghel . myd wylle(n) vn(de) myd bẏ rademe muͮde . vor dessen bref henghet Gheue(n) tø dem kẏle Na godes bort / drutteẏnhu(n)dert Jar dar na In deme Neghe(n) vn(de) Seue(n)tighesten Jare . Jndeme daghe . des . hilge(n) he(re)n Su(n)te / Jacobes des hylghen apostoles