Anno (et cetera) xco /

Ite(m) Szo hefft Irschene(n) vor(e) dem(e) sittende stole desz Rades arndt / Schulte Jacobessen borger thom(e) kyle vnnd(e) hefft apenbar vor / laten De Ersamen wichman(n) koler Borghemester Clawes wulff / vnnd(e) Hans Schuldorp Radtman(n) thom(e) kyle syne vormu(n)der / dar Jege(n)wardich wesende aller er vormu(n)derscop vnnd(e) bedanc/kede en allen tho sa(m)mende vnnd(e) bsunder(e)n gudesz vorwesendes / vnnd(e) guder rekenscop /

It(em) Tyme Gru(n)newolt hefft vorkofft vnnd(e) vorlaten den / vorstendern desz grotes kalandes In sunte Nicolaus kerken byn(n)e(n) / deme Kyle ey(ne) marck lub(esch) Jarliker renthe kame(n)de tho dem(e) / kalandes leue vor xiii m(a)r(ck) lub(esche) pe(n)ni(n)ghe wedder tho kopende / dar denne vor houestol vnnd(e) renthe hebben ghelaueth / de bescheden(n) Clawes werneke vnnd(e) Clawes horne borgher(e) / thom(e) kyle vp alle he(m)melvarth vnnses heren fest tho / betalende vnnd(e) wen Tym(m)e erbenom(ed) edder syne erue(n) sodan(e) / renthe vth losen will denne schal he den vorstender(e)n / ergnant(en) ey(n) halff Jar tho vor(e)n to seggen vnnd(e) gheue(n) / den houetstol mydt der bedageden renthe vt In eyne(n) su(m)men ¹ / dith gelt also xiij marck renthe houetstols myt der Rente / lossede uth Peter Neue anno (et cetera) decimo 160 entfenck her Anno xiii [...]² /

Item hefft Irschene(n) vor dem(e) Rade Hans Holste borgher thom(e) / kyle vnnd(e) hefft bewillet vnnd(e) vulbordeth vor sick vnnd(e) / syne(n) eruen dath na sym(e) dode syne elike husfrowe Grete / schal hebben vnnd(e) bruken alle syne naghelaten gudere be/wechlick vnnd(e) vnbewechlick szo he Jege(n)wardighen effte In to/kame(n)den tyden thom(e) Kyle effte dar(e) buten besit effte besit/tende vnnd(e) weredt sake dath Grete syne husfrowe erst / In goth vorstorue er Hans erbenom(ed) szo wil se dath vor / sick vnnd(e) ere eruen dath hans schal sodan(e) gudt alsz he / mydt er hefft edder kricht vryg sunder Jenigerley Inseggen / beholden vnnd(e) na synem(e) willen keren wor ydt em(e) gheleueth