Duth ysz Sunte Nicolai karken denckelbock / bynnen dem kyle wo de karke in vortyden / gebuwet vnde gezciret isz dar vinde wÿ neyne / schrifft aff /

Item Na der borth vnszes heren dusentverhu(n)/=dert vnde in dem Souentachtigesten Jar , wy / Hans veld Radtman , Peter michell vnde / Clawes tode Sunte Nicolai swaren , lete(n) ma=/ken Sunte Johannis bilde van suluer vnde / hort der kerken qwẏt vnde vrÿe Dar tho hefft / gegeuen de prester kalanth vervndetwintich / marck Dar vor scholen de swaren tor tyd we=/sende deme kalande dat bilde lenen wen de / kalanth beghan wart alle Jar twÿe /

Item na der borth vnszes heren Dusentverhun=/derth vnde in dem Negentichsten Jar ¹ wy Hans / Schele Radtman Hans Louwe vnde Warner / veld beclageden vns Jegen den Erszamen Radt / wy neynen steden schryaer heddenn de der Ker=/ken vnde tegelhuses schrifft warde dar bleff / vele auer vorgethen do quam de Erszame / Radt auer eÿn myt her Johan Rademan de an=/namede der Karken vnde tegelhusz rekenschop / tho warende vnde tho schriaende vnde mÿth / den besten mede to vor vorderende na synem / vermoghe vnde was der kerken schryaer /

Item Na der borth vnszes heren(n) dusentver=/hunderth vnde in dem Negentichsten Jare / wy Hans Schele Radtman Hans Louwe // vnde Hans Schele , leten maken Sunte Nico=/lawes bilde van suluer vnde ys qwÿt vnde / vrye Sunte Nicolawes /

Item Na der borth vnszes heren Dusentverhun=/dert vnde in dem Twe vnde Negentichsten Jare / wy Hans Schele Radtman Hans Louwe / vnde Warner veld leten maken van suluer Sun=/te Anthonius bilde vnde dar quam tho van dez / hilligen geyste eyn kelck vnde eyne pathene /

Item Na der borth vnszes heren Dusentvyffhu(n)=/dert vnde twe Wy Jaspar Schulte Radtman / Hans Louwe vnde Hans Grauwetopp Lete(n) / maken vnser leuen vrouwen bilde van suluer / vnde kostede veerde halffhundert marck vnde / dar en bauen vnde horth der kerken qwyt vn(de) vrÿ /

Item Na der borth vnszes heren(n) Dusentvyffhu(n)=/derth vnde achte Jar(e) Wy Gerth Kordes Radt=/man Eler Steker vnde Hartich Hasse tugeden / dat grote Cruce van suluer vnde wicht veffteyn / lodige marck vnde dorteyndehalff loth de Tes=/tamentarÿ Enwaldi Souenbroders geuen veer / lodige marck dar tho dat ander bekostede de kar=/ke vnde steyt to samende in gelde twe hundert / vnde twevndesouentich marck /

Item dat stucke van deme hilgen cruce dat dar / bauen in deme siluere(n) cruce In geseth isz hefft / gegheue(n) Enwaldus Souenbroder deme god / gnedich sÿ