Item de hoff in der hartstraten negst vnszer le=/uen vrouwen prester huse , hort halff Sunte / Nicolai kerken to , vnde halff deme hilgen geÿste /

Item Na der borth vnszes heren Dusentverhun/derth vnde in dem Negentachstisten Jar wÿ / Hans Veld Radtman Hans Louwe vn(de) / Hans Schele leten weluen den keller in dem(e) / chore vnde kostede veervndevertich marck /

Item Na der borth vnszes heren Dusentverhu(n)/dert vnde in dem Negentichsten Jar wy Hans / veld Radtman Hans Louwe vnde Hans Sche=/le , leten maken dat Cruce vor dem chore vnde / Marien bilde Johannis Nicolai vnde Andree / vnde hefft kostet drehunderth vnde Soͤstich m(a)rck /

Item Na der borth vnszes heren Dusentverhu(n)=/dert vnde in dem drÿvndeNegentichsten Jare / wy Hans Schele Radtman Hans Louwe vn(de) / Hans Schy(m)melpennyck Sunte Nicolai swarez / leten buwen de Cappellen Caluarie vnde hefft kostet ¹ twe / hunderth vnde vyff marck /

Item Na der borth vnszes heren Dusentverhun=/dert vnde in dem vyffvndeNegentichsten wy / Hans Schele Radtman Hans Louwe vn(de) Hans / grauwetopp Sunte Nicolai swaren Tugeden vnser / leuen vrouwen Cronen middez in der kerken vn(de) / steyth anderthalffhundert marck Dar to gaff / Hans Schÿmmelpennÿ(n)gk vefftich marck //

Item In dem sülfften vorgeschreuen Jar worth / dat welffte in de kercken gekylet vnde vorbetert / vnde de kercke wart gewittet myt dem chore vn(de) / de apolstelen worden vorluchtet dat kostede der ker=/ken Souenvndesoͤstich marck /

Item In dem Sulfften vorgeschreuen(en) Jar wort ghe=/maket dat manstolte achter dem radtstole vnde / eyn vrouwen stolte midden in de kercken vnde koste / der kercken dre marck vnde handerth /

Item In dem Sulfften Jar vorgeschreuen(en) worth / ghemaket de swybage vor dem chore vpp dem / welffte vnde koste der kercken drevndedortich m(a)rc / miii iij s(chilling) /

Item Na der borth vnszes heren Dusent verhund=/dert vnde In dem SouenvndeNegentichsten worth / ghebuwet dat orthas by dem vlemeschen dore / vnde koste der kercken veer hundert marck vnde / Pawel Breyde kofte id vor sick vnde syne vroawe(n) / vpp lyff gedẏnge vor dre hunderth vnde teÿn m(a)r(k) /

Item Na der borth vnszes heren dusent vyffhundert / vnde in dem achten Jare wy Gerth Cordes Radt=/man Peter Michell vnde Pauwel kremer Sunte / Nicolai kerckswaren leten buwen vnde beteren de / bodem by dem vlemeschen dore vnde kosten der ker=/ken twe hundert marck //

Item Na der borth vnszes Heren Dusent vyff / hundert vnde in dem Nege(n)den Jare wy Gerth / Cordes radtman Eler Steker vnde Hartich / Hasse leten maken eyn ornaeth myt twen / denst rocken van rodem sicheltane to dem hoge(n) / altare myt eren thobehoringe de ele stunt xij s(chilling) /

Item Na der borth vnszes heren Dusent vyff / hundert vnde In dem Teynden Jare wy Gerth / Cordes ratman Hartich Hasse vnde Pawel / Kremer Sunte Nicolai kerckswaren Leten(e)n / maken eyn ornath myt twen denstrocken van / blaweme damasth tho dem hogen altare de ele / stanth ij m(a)r(k) dar ledede de karke to twintich marck dat ander geld wort genamen van dem / vordenste der spintlichte /

Item Na der borth vnszes heren veffteynhu(n)derth / vnde In dem vefften Jare wy Gerth Cordes rath/man Pawel Kremer vnde Eler Steker kofften / her Enwaldes Souenbroders has in der kedinck/straten van synen Testementarien(en) vor dre hu(n)=/derth marck wat idt beter was geuen se der / karken /

Item Na der borth vnszes heren veffteynhunderth / vnde In dem achten Jare wy Gert Cordes radt=/man Eler Steker vnde Hartich Hasse Sunte / Nicolai kerckswaren hebben vordert holpen dat dath / grote orgelwarck nye gemaket wort . vnde hefft / gekostet der karken eluen hundert vnde drevn(de)sostich / marck