anno (et cetera) xci

It(em) Reymer(e) Giseke hefft vorkofft vnnd(e) vorlaten dem(e) / Ersamen Wichman(e) Koler Borghemester(e) thom(e) kyle vnnd(e) synen / erue(n) j m(a)rc lub(esch) Jarliker renthe vp alle paschen feste tho / betalende vor xiij m(a)rc lub(esch) wedder tho kopende In vnnd(e) / sym(e) hoppenhaue belegen by ¹ der volrades beke vnnd(e) wen / Reymer(e) erbonom(ed) edder syne erue(n) den wedderkop don wille(n) / denne scholen se wichman(n) edder syne(n) erue(n) ey(n) halff Jar / tho vor(e)n to seggen vnnd(e) gheue(n) den bedageden renthe mydt / der bedageden renthe In ey(n)nem(e) su(m)men welker(e) xiij m(a)rc / baue(n)ghescr(euen) hefft vth ghelecht vnnd(e) to behore(n) syner(en) / eliken vrowe(n) Katherine(n) vn(n)d ere(n) erue(n) vn(n)d syndt / wichman(e) vorbenom(ed) togescr(euen) to truwer handt /

It(em) Hans Schele Radtman(n) thom(e) kyle hefft vor(e)noget dem(e) / Ersamen Rade dar(e) suluest hundert lubeske m(a)rc houestoles / vnnd(e) sosz m(a)rc Jarliker(en) renthe welke hundert m(a)rc syn selighe / vader Hans Schele Borghemester thom(e) kyle don he in dem(e) / leue(n)de wasz dem(e) Rade erbenom(ed) schuldich was vn(n)d weret / sake dath sodan(e) gelt vnnd(e) renthe in Jenigerley boken edder / registern desz Rades gheschreuen edder ock besegelde breue / dar vp sprekende vnnd(e) ludende In na tyden vor dessem(e) dat(um) / ghevunden worden de scolen nenerleywysz derhalue(n) macht / hebben wente de renthe mydt dem(e) houetstole tho vulle(n)/kamener noghe van dem(e) ergnant(en) Rade entfange(n) syndt /

It(em) Hartog hasse hefft ghegundt Tibbe Baltasars syner husfrowe(n) / moder ey(n)ne bode belegen In sym(e) huse vn(n)d erue bÿ der doͤre / stande In der schomakerstraten vn(n)d eynen kleyne(n) kelre belegen / vnnder dem(e) sulue(n) huse er tho brukende na erem(e) vryen / willen vnnd(e) tho gande stande In vth vnnd(e) dorch dath sulue / syn erue wanner er desz gheleueth de tydt eres leue(n)des vn(n)d wen se / In goth versterueth szo mach de sulue hartog dath ergescr(euene) erue quith / vn(n)d vryg bruken szo he in ertyden ghedan hefft